ബെം​ഗളൂരു മലയാളികൾക്ക് ആശ്വാസം; എട്ട് സ്പെഷ്യൽ ട്രെയിനുകളുടെ സർവീസ് ഓ​ഗസ്റ്റ് അവസാനം വരെ നീട്ടി

സൗത്ത് വെസ്റ്റേൺ റെയിൽവേയുടെ കേരളത്തിലേക്കുള്ള എട്ട് സ്പെഷ്യൽ ട്രെയിനുകളുടെ സർവീസ് ഓ​ഗസ്റ്റ് അവസാനം വരെ നീട്ടി. നേരത്തേ ജൂലായ് അവസാനം വരെയും ഓ​ഗസ്റ്റ് ആദ്യവാരം വരെയും പ്രഖ്യാപിച്ചിരുന്ന സർവീസുകളാണ് ഒരുമാസത്തേക്ക് കൂടി നീട്ടിയത്.

തിരുവനന്തപുരം: സൗത്ത് വെസ്റ്റേൺ റെയിൽവേയുടെ കേരളത്തിലേക്കുള്ള എട്ട് സ്പെഷ്യൽ ട്രെയിനുകളുടെ സർവീസ് ഓ​ഗസ്റ്റ് അവസാനം വരെ നീട്ടി. നേരത്തേ ജൂലായ് അവസാനം വരെയും ഓ​ഗസ്റ്റ് ആദ്യവാരം വരെയും പ്രഖ്യാപിച്ചിരുന്ന സർവീസുകളാണ് ഒരുമാസത്തേക്ക് കൂടി നീട്ടിയത്.

ഞായറാഴ്ചകളിൽ സർവീസ് നടത്തുന്ന ഹുബ്ബള്ളി-കൊല്ലം സ്പെഷ്യൽ(07313) ഓ​ഗസ്റ്റ് 30 വരെ സർവീസ് നടത്തും. തിങ്കളാഴ്ചകളിൽ സർവീസ് നടത്തുന്ന 07314 കൊല്ലം-ഹുബ്ബള്ളി സ്പെഷ്യൽ ഓ​ഗസ്റ്റ് 31 വരെ സർവീസുണ്ടാകും.

തിങ്കളാഴ്ചകളിൽ സർവീസ് നടത്തുന്ന 06523 എസ്എംവിടി ബെം​ഗളൂരു- തിരുവനന്തപുരം നോർത്ത് സ്പെഷ്യൽ എക്സ്പ്രസിന്റെ സർവീസ് ​ഓ​ഗസ്റ്റ് 31 വരെ നീട്ടി. ചൊവ്വാഴ്ചകളിൽ ഓടുന്ന 06524 തിരുവനന്തപുരം നോർത്ത്-എസ്എംവിടി ബെം​ഗളൂരു സ്പെഷ്യൽ സെപ്റ്റംബർ ഒന്നാംതീയതി വരെ നീട്ടി.

ബുധനാഴ്ചകളിൽ സർവീസ് നടത്തുന്ന 06547 എസ്എംവിടി ബെം​ഗളൂരു-തിരുവനന്തപുരം നോർത്ത് സ്പെഷ്യൽ ഓ​ഗസ്റ്റ് 26 വരെ നീട്ടി. വ്യാഴാഴ്ചകളിലുള്ള 06548 തിരുവനന്തപുരം നോർത്ത്-എസ്എംവിടി ബെം​ഗളൂരു സ്പെഷ്യൽ ഓ​ഗസ്റ്റ് 27 വരെ സർവീസ് നടത്തും.

വെള്ളിയാഴ്ചകളിൽ സർവീസ് നടത്തുന്ന 06555 എസ്എംവിടി ബെം​ഗളൂരു- തിരുവനന്തപുരം നോർത്ത് സ്പെഷ്യൽ ഓ​ഗസ്റ്റ് 28 വരെ സർവീസ് നീട്ടി. ഞായറാഴ്ചകളിലുള്ള 06556 തിരുവനന്തപുരം നോർത്ത്- എസ്എംവിടി ബെം​ഗളൂരൂ സ്പെഷ്യൽ ഓ​ഗസ്റ്റ് 30 വരെ സർവീസ് നടത്തും. ഈ സർവീസുകളിലേക്കുള്ള മുൻകൂർ റിസർവേഷൻ ഉടൻ ആരംഭിക്കുമെന്നും റെയിൽവേ അറിയിച്ചു.

South Western Railway has notified the extension of 8 special train services connecting Hubballi, SMVT Bengaluru, Kollam and Thiruvananthapuram North, with existing timings, stoppages and composition retained through August–September 2026.

Advance reservation for these services… pic.twitter.com/HmMmgOnKfn

— Southern Railway (@GMSRailway) July 2, 2026