'ഫാത്തിമ മതം പറഞ്ഞ് വോട്ടുപിടിക്കുന്നില്ല, അങ്ങനെയൊരു ആക്ഷേപം എൽഡിഎഫിനില്ല, തെരഞ്ഞെടുപ്പ് കമ്മീഷന് പരാതി നൽകിയിട്ടില്ല': ടി പി രാമകൃഷ്ണൻ

വികസന ചർച്ചയിൽ നിന്നും വഴി തിരിക്കാൻ യുഡിഎഫ് വർഗീയ ദ്രുവീകരണത്തിന് ശ്രമിക്കുന്നുവെന്നും ടിപി രാമകൃഷ്ണൻ കുറ്റപ്പെടുത്തി. ഏഷ്യാനെറ്റ് ന്യൂസിനോടായിരുന്നു അദ്ദേഹത്തിന്റെ പ്രതികരണം. 

തിരുവനന്തപുരം: ഫാത്തിമ തഹ്‍ലിയ മതംപറഞ്ഞു വോട്ടുപിടിക്കുന്നുവെന്ന ആക്ഷേപം എൽഡിഎഫിന് ഇല്ലെന്ന് എൽഡിഎഫ് കൺവീനർ ടിപി രാമകൃഷ്ണൻ. തെരഞ്ഞെടുപ്പ് കമ്മീഷന് പരാതി നൽകിയത് എൽഡിഎഫ് അല്ല. അനൗൺസ്മെൻ്റുമായി ബന്ധപ്പെട്ട് തെരഞ്ഞെടുപ്പ് കമ്മീഷൻ്റെ നോട്ടീസ് ലഭിച്ചു. ഇടതുപക്ഷം അങ്ങനെയൊരു അനൗൺസ്മെൻ്റ് നടത്തിയിട്ടില്ല. പ്രചാരണത്തിനുപയോഗിക്കുന്ന വാഹന നമ്പറുകൾ ഉൾപ്പെടെ തെളിവായി ഹാജരാക്കും. പെൻഡ്രൈവ് നൽകാനും തയ്യാറാണെന്നും ടിപി പറഞ്ഞു. രണ്ട് ദിവസത്തിനകം കമ്മീഷന് മറുപടി നൽകും. വികസന ചർച്ചയിൽ നിന്നും വഴി തിരിക്കാൻ യുഡിഎഫ് വർഗീയ ദ്രുവീകരണത്തിന് ശ്രമിക്കുന്നുവെന്നും ടിപി രാമകൃഷ്ണൻ കുറ്റപ്പെടുത്തി. ഏഷ്യാനെറ്റ് ന്യൂസിനോടായിരുന്നു അദ്ദേഹത്തിന്റെ പ്രതികരണം.