`പ്രജകൾക്ക് ഇഷ്ടപ്പെടാത്ത ഭരണം രാജാവ് കാഴ്ചവെച്ചാൽ താഴെ ഇറക്കാൻ പ്രജകൾക്ക് കഴിയും'; മുത്തപ്പൻ്റെ ഉപദേശങ്ങൾ കേട്ട് ധനമന്ത്രി കെ എൻ ബാലഗോപാൽ

മുത്തപ്പന് മുന്നിൽ ഉപദേശങ്ങൾ കേട്ട് ധനമന്ത്രി കെ എൻ ബാലഗോപാൽ. കൊല്ലം കൊട്ടാരക്കര നെടുമൺകാവിലാണ് സംഭവം.

കൊല്ലം: മുത്തപ്പന് മുന്നിൽ ഉപദേശങ്ങൾ കേട്ട് ധനമന്ത്രി കെ എൻ ബാലഗോപാൽ. കൊല്ലം കൊട്ടാരക്കര നെടുമൺകാവിൽ കഴിഞ്ഞ ദിവസമാണ് സംഭവം ഉണ്ടായത്. മുത്തപ്പന്റെ ഉപദേശം കേട്ട് നിൽക്കുന്ന മന്ത്രിയുടെ ദൃശ്യങ്ങൾ സാമൂഹിക മാധ്യമങ്ങളിൽ വ്യാപകമായി പ്രചരിക്കുന്നുണ്ട്. `രാജാവിൻ്റെ ഭരണം പോലെ പ്രജകൾ കൂടെ നിൽക്കും. പ്രജകൾക്ക് ഇഷ്ടപ്പെടാത്ത ഭരണം രാജാവ് കാഴ്ച വെച്ചാൽ താഴെ ഇറക്കാൻ പ്രജകൾക്ക് കഴിയും. എല്ലാ കാര്യത്തിലും സത്യമുണ്ട്. സത്യമേവ ജയതേ' എന്നാണ് മുത്തപ്പൻ മന്ത്രിക്ക് നൽകിയ ഉപദേശം.