യുവാവിന്‍റെ മരണത്തില്‍ വഴിത്തിരിവ്, പൊലീസില്‍ വിവരമറിയിച്ച സുഹൃത്ത് മർദിച്ചിരുന്നു, തലയ്ക്ക് ആഴത്തിലുള്ള പരിക്ക്

കോഴിക്കോട് മുണ്ടുപാലത്ത് യുവാവിനെ മുറിയിൽ മരിച്ച നിലയിൽ കണ്ടെത്തിയ സംഭവത്തില്‍ വഴിത്തിരിവ്

കോഴിക്കോട്: കോഴിക്കോട് മുണ്ടുപാലത്ത് യുവാവിനെ മുറിയിൽ മരിച്ച നിലയിൽ കണ്ടെത്തിയ സംഭവത്തില്‍ വഴിത്തിരിവ്. മരിച്ച ഷരീഫിനെ മർദിച്ചിരുന്നെന്ന് സുഹൃത്ത് മുഹമ്മദ് അഷ്റഫ് പൊലീസിന് മോഴി നല്‍കി. തലയ്ക്കടിക്കുകയായിരുന്നു. ഇരിങ്ങല്ലൂർ സ്വദേശി ഷരീഖ് ആണ് മരിച്ചത്. രണ്ട് ദിവസം മുൻപ് വീട്ടിൽ നിന്ന് പോയ ശേഷം ഇയാൾ തിരികെ എത്തിയിരുന്നില്ല. മുണ്ടുപാലത്തെ വീട്ടിൽ യുവാവ് എങ്ങനെ എത്തിയെന്ന കാര്യത്തില്‍ വ്യക്തതയില്ല. പ്രദേശത്ത് പൊലീസ് പരിശോധന നടത്തി. ഷരീഫ് മരിച്ച വിവരം അഷ്റഫ് തന്നെയാണ് പൊലീസിനെ വിളിച്ചറിയിച്ചത്. സഹോദരൻ എന്ന് പറഞ്ഞാണ് ആദ്യം ഇയാൾ പൊലീസിനോട് സംസാരിച്ചത്. യുവാവിന്‍റെ മരണില്‍ ദുരൂഹതയുണ്ടെന്നാണ് പൊലീസ് പറയുന്നത്.