ഗസറ്റഡ് ഓഫീസറുടെ കഞ്ചാവ് കൃഷി: 'ജതിൻ കഞ്ചാവ് വിത്തുകൾ എത്തിച്ചത് രാജസ്ഥാനിൽ നിന്ന്', ​കൂടുതൽ വിവരങ്ങൾ പുറത്ത്

കൂടെ ഉണ്ടായിരുന്ന മറ്റ് രണ്ട് ഓഫീസർമാർക്കും പങ്കില്ലെന്നും ആദ്യമായിട്ടാണ് കഞ്ചാവ് കൃഷി നടത്തുന്നതെന്നും എക്സൈസ് ഉദ്യോ​ഗസ്ഥരുടെ ചോദ്യം ചെയ്യലിൽ ജതിൻ മൊഴി നൽകി. 

തിരുവനന്തപുരം: തിരുവനന്തപുരം കമലേശ്വരത്ത് വാടക ​വീടിന്റെ ടെറസിൽ ​ഗസറ്റഡ് ഓഫീസർ ജതിൻ കഞ്ചാവ് കൃഷി നടത്തിയ സംഭവത്തിൽ കൂടുതൽ വിവരങ്ങൾ പുറത്ത്. രാജസ്ഥാനിൽ നിന്നാണ് ​ജതിൻ കഞ്ചാവ് വിത്തുകൾ എത്തിച്ചതെന്ന വിവരമാണ് പുറത്തുവരുന്നത്. കൂടെ ഉണ്ടായിരുന്ന മറ്റ് രണ്ട് ഓഫീസർമാർക്കും പങ്കില്ലെന്നും ആദ്യമായിട്ടാണ് കഞ്ചാവ് കൃഷി നടത്തുന്നതെന്നും എക്സൈസ് ഉദ്യോ​ഗസ്ഥരുടെ ചോദ്യം ചെയ്യലിൽ ജതിൻ മൊഴി നൽകി. 

അക്കൗണ്ട് ജനറൽ ഓഫീസിലെ ഉദ്യോ​ഗസ്ഥനാണ് ജതിൻ. കമലേശ്വരത്ത് വീടിന്‍റെ ടെറസില്‍ കഞ്ചാവ് കൃഷി നടത്തുന്നുണ്ടെന്ന രഹസ്യ വിവരത്തിന്‍റെ അടിസ്ഥാനത്തിലാണ് എക്സൈസ് ഉദ്യോഗസ്ഥര്‍ ഇന്നലെ ഇവിടെ പരിശോധന നടത്തിയത്. മൂന്ന് പേരാണ് ഈ വീട്ടില്‍ താമസിക്കുന്നത്. എന്നാല്‍ താന്‍ ഒറ്റയ്ക്കാണ് കഞ്ചാവ് കൃഷി നടത്തിയതെന്ന് ജിതിൻ എക്സൈസ് ഉദ്യോഗസ്ഥരോട് ആദ്യം തന്നെ സമ്മതിച്ചിരുന്നു.