അട്ടപ്പാടി ട്രൈബൽ ആശുപത്രിക്ക് സമീപം കാട്ടാനക്കൂട്ടം; ആനക്കൂട്ടത്തെ മണിക്കൂറുകൾക്കുശേഷം കാടുകയറ്റി

13 കാട്ടാനകളാണ് ഉണ്ടായിരുന്നത്. കൂട്ടത്തിൽ 4 കുട്ടിയാനകളും ഉണ്ടായിരുന്നു

പാലക്കാട് : അട്ടപ്പാടിയിൽ (attapadi)ഇറങ്ങിയ കാട്ടാനക്കൂട്ടത്തെ(elephant) കാടുകയറ്റി . മണിക്കൂറുകൾ നീണ്ട ശ്രമത്തിനൊടുവിലാണ് കാട്ടാനക്കൂട്ടത്തെ ജനവാസമേഖലയിൽ നിന്ന് മാറ്റിയത്. ജനങ്ങളെ ഭീതിയിലാഴ്ത്തി ഇന്നലെ രാത്രിയാണ് കാട്ടാനക്കൂട്ടം ഇറങ്ങിയത്. കോട്ടത്തറ ട്രൈബൽ ആശുപത്രിക്ക് സമീപമാണ് കാട്ടാനക്കൂട്ടം ഇറങ്ങിയത്. 13 കാട്ടാനകളാണ് ഉണ്ടായിരുന്നത്. കൂട്ടത്തിൽ 4 കുട്ടിയാനകളും ഉണ്ടായിരുന്നു. 

രാത്രിയിൽ തുടർന്ന മഴ കാട്ടാനക്കൂട്ടത്തെ കാടുകയറ്റുന്നതിൽ തടസം സൃഷ്ടിച്ചു. മഴ മാറിയശേഷം രാവിലെയോടെയാണ് ജനവാസ മേഖലയിൽ തുടർന്ന ആനക്കൂട്ടത്തെ കാട് കയറ്റിയത്.