'വാക്സീന് വിതരണത്തിലെ ആശങ്ക പരിഹരിക്കണം'; ഹര്ജി ഹൈക്കോടതി ഇന്ന് പരിഗണിക്കും
Synopsis
വാക്സീന് വിതരണത്തിലെ മെല്ലെപ്പോക്കില് കേന്ദ്ര സര്ക്കാറിനോടുള്ള അതൃപ്തി ഹൈക്കോടതി അറിയിച്ചിരുന്നു. ഇങ്ങനെ പോയാല് രണ്ട് വര്ഷം വേണ്ടിവരും വാക്സീന് വിതരണം പൂര്ത്തിയാക്കാന് എന്നായിരുന്നു കോടതി വിമര്ശനം.
കൊച്ചി: സംസ്ഥാനത്തെ കൊവിഡ് വാക്സീന് വിതരണത്തിലെ ആശങ്കകള് പരിഹരിക്കണമെന്നാവശ്യപ്പെട്ടുള്ള ഹര്ജി ഹൈക്കോടതി ഇന്ന് വീണ്ടും പരിഗണിക്കും. ഒറ്റപ്പലാം സ്വദേശി പ്രഭാകരന് ഉള്പ്പെടെയുള്ളവര് നല്കിയ ഹര്ജികളാണ് കോടതിയുടെ പരിഗണനയിലുള്ളത്. ഹര്ജി തീര്പ്പാക്കും വരെ പൊതുവിപണിയിലെ വാക്സീന് വില്പന നിര്ത്തിവെക്കാന് നിര്ദേശം നല്കണമെന്നും ഹര്ജിയില് ആവശ്യപ്പെടുന്നുണ്ട്.
വാക്സീന് വിതരണത്തിലെ മെല്ലെപ്പോക്കില് കേന്ദ്ര സര്ക്കാറിനോടുള്ള അതൃപ്തി ഹൈക്കോടതി അറിയിച്ചിരുന്നു. ഇങ്ങനെ പോയാല് രണ്ട് വര്ഷം വേണ്ടിവരും വാക്സീന് വിതരണം പൂര്ത്തിയാക്കാന് എന്നായിരുന്നു കോടതി വിമര്ശനം. ഈ സാഹചര്യത്തില് കേരളം ആവശ്യപ്പെട്ട വാക്സീന് എപ്പോള് നല്കും എന്നതടക്കം അറിയിക്കാന് കോടതി നിര്ദേശം നല്കിയിട്ടുണ്ട്. വാക്സീന് കേന്ദ്രത്തിന്റെ നേരിട്ടുള്ള നിയന്ത്രണത്തിലല്ലെന്നും സുപ്രീം കോടതി നിയോഗിച്ച ഉന്നതാധികാര സമിതിയാണ് കാര്യങ്ങള് തീരുമാനിക്കുന്നതെന്നുമാണ് കേന്ദ്ര സര്ക്കാര് കോടതിയെ വാക്കാല് അറിയിച്ചത്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്ക് ഈ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam