
തിരുവനന്തപുരം: മെയ് ഏഴ് മുതൽ സംസ്ഥാനത്തെ കൊവിഡ് ബാധിതരുടെ എണ്ണം കുത്തനെ കൂടിയെങ്കിലും കൊവിഡ് രോഗികൾ അതിവേഗം രോഗമുക്തി നേടുന്നത് ആശ്വാസം നൽകുന്നു. ചികിത്സയിലുള്ള 89 പേർ ഇന്ന് രോഗമുക്തി നേടിയിട്ടുണ്ട്. ഇന്നലെ 90 പേർക്ക് രോഗമുക്തിയുണ്ടായിരുന്നു.
കഴിഞ്ഞ അഞ്ച് ദിവസത്തെ ആകെ കണക്ക് എടുത്താൽ 387 പുതിയ കൊവിഡ് കേസുകൾ റിപ്പോർട്ട് ചെയ്തപ്പോൾ
387 കൊവിഡ് രോഗികൾ രോഗമുക്തി നേടിയിട്ടുണ്ട്. രോഗം ബാധിച്ചവർക്ക് അതിവേഗം രോഗമുക്തി ഉറപ്പാക്കാൻ സാധിക്കുന്നത് സംസ്ഥാനത്തെ ആരോഗ്യപ്രവർത്തകർക്കും സർക്കാരിനും ആത്മവിശ്വാസം നൽകുന്നതാണ്.
ദില്ലിയും ഗുജറാത്തും അടക്കമുള്ള അതിതീവ്രമേഖലകളിൽ രോഗികളുടെ രോഗമുക്തി നിരക്ക് കുറവാണ്. ഈ പ്രദേശങ്ങളിൽ മരണനിരക്കും ഉയരുന്നു.
കഴിഞ്ഞ ദിവസങ്ങളിൽ രോഗമുക്തി നേടിയവരുടേയും പുതിയ കേസുകളുടേയും കണക്ക്
ജൂൺ 18 - 89 - 97
ജൂൺ 17 - 90 - 75
ജൂൺ16 - 60 - 79
ജൂൺ 15 - 73 - 82
ജൂൺ 14 - 56 - 54
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam