കാരക്കോണം മെഡിക്കൽ കോളേജിൽ ഹൗസ് സർജൻ വിദ്യാർത്ഥികൾക്ക് സെക്യൂരിറ്റി ജീവനക്കാരുടെ ക്രൂര മർദനം, വീഡിയോ പുറത്ത്

കാരക്കോണം മെഡിക്കൽ കോളേജിൽ വാഹന പാർക്കിംഗിനെ ചൊല്ലിയുണ്ടായ തർക്കത്തെ തുടർന്ന് ഹൗസ് സർജൻ വിദ്യാർത്ഥികൾക്ക് സെക്യൂരിറ്റി ജീവനക്കാരുടെ ക്രൂര മർദനം. വിദ്യാർത്ഥികളെ കമ്പിപ്പാര കൊണ്ട് അടിക്കുന്നതിന്റെ ഞെട്ടിക്കുന്ന വീഡിയോ പുറത്തുവന്നു. സംഭവത്തിൽ വെള്ളറട പൊലീസ് കേസെടുത്തു.

തിരുവനന്തപുരം : കാരക്കോണം മെഡിക്കൽ കോളേജിൽ ഹൗസ് സർജൻ വിദ്യാർത്ഥികൾക്ക് സെക്യൂരിറ്റി ജീവനക്കാരുടെ ക്രൂര മർദനമെന്ന് പരാതി. കമ്പിപ്പാര കൊണ്ട് വളഞ്ഞിട്ട് അടിക്കുന്ന ഞെട്ടിക്കുന്ന വീഡിയോ പുറത്ത് വന്നു. വാഹന പാർക്കിംഗിനെ ചൊല്ലിയുണ്ടായ തർക്കമാണ് മർദ്ദനത്തിൽ കലാശിച്ചത്. മുൻപും സെക്യൂരിറ്റി ജീവനക്കാരിൽ നിന്ന് വിദ്യാർത്ഥികൾക്ക് മോശമായ അനുഭവം ഉണ്ടായിട്ടുണ്ടെന്ന് മർദ്ദനമേറ്റവർ ആരോപിക്കുന്നു. വെളളട പൊലീസ് കേസെടുത്തു.