കുടുംബ പെന്ഷന് ലഭിക്കാന് മരിച്ചുപോയ മകനെ പൂര്ണമായി ആശ്രയിക്കണം; ഉത്തരവിട്ട് മനുഷ്യാവകാശ കമ്മീഷന്
Synopsis
അരിമ്പൂര് സ്വദേശിനി സമര്പ്പിച്ച പരാതിയിലാണ് മനുഷ്യാവകാശ കമ്മീഷന്റെ നടപടി.
തൃശൂര്: മരിച്ചുപോയ മകനെ അല്ലെങ്കില് മകളെ പൂര്ണമായോ ഭാഗികമായോ ആശ്രയിച്ച് കഴിഞ്ഞവര്ക്കു മാത്രമേ കുടുംബ പെന്ഷന് അര്ഹതയുള്ളുവെന്ന് മനുഷ്യാവകാശ കമ്മീഷന്. ലൈന്മാനായി ജോലി ചെയ്തിരുന്ന മകന് മരിച്ചപ്പോള് പെന്ഷനുള്ള പിന്തുടര്ച്ചാവകാശിയായി തന്നെ അംഗീകരിച്ചില്ല എന്ന അമ്മയുടെ പരാതിയിലാണ് കമ്മീഷന് അംഗം വി.കെ. ബീനാകുമാരിയുടെ ഉത്തരവ്.
കെ.എസ്.ഇ. ബി. തൃശൂര് എക്സിക്യൂട്ടീവ് എന്ജിനീയറില് നിന്നും കമ്മീഷന് റിപ്പോര്ട്ട് വാങ്ങി. പരാതിക്കാരിയുടെ മകന്റെ മരണത്തെ തുടര്ന്ന് മറ്റ് അവകാശികളില്ലാത്തതിനാല് കുടുംബ പെന്ഷന് ലഭിക്കാന് അര്ഹതയുണ്ട്. എന്നാല്, പരാതിക്കാരിയുടെ ഭര്ത്താവിന് വാട്ടര് അതോറിറ്റിയില് നിന്നും പ്രതിമാസം പെന്ഷന് ലഭിക്കുന്നുണ്ട്. ഈ സാഹചര്യത്തില് പെന്ഷന് നല്കാന് കഴിയില്ലെന്ന എക്സിക്യൂട്ടീവ് എന്ജിനീയറുടെ റിപ്പോര്ട്ട് കമ്മീഷന് സ്വീകരിച്ചു. അരിമ്പൂര് സ്വദേശിനി സമര്പ്പിച്ച പരാതിയിലാണ് നടപടി.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam