
തിരുവനന്തപുരം: കേരളത്തിൽ ഐഎസ്സി പന്ത്രണ്ടാം ക്ലാസ് പരീക്ഷയിൽ 100 ശതമാനം വിജയം. ഐസിഎസ്ഇ പരീക്ഷയിൽ 99. 94 ശതമാനമാണ് വിജയം. രാജ്യമാകെയുള്ള കണക്കെടുത്താൽ പത്താം ക്ലാസിൽ 99.09 ശതമാനവും പന്ത്രണ്ടാം ക്ലാസിൽ 99.02 ശതമാനവും ആണ് വിജയം.
വിജയ ശതമാനത്തിൽ പെണ്കുട്ടികളാണ് മുന്നിൽ. ഐസിഎസ്ഇയിൽ പെൺകുട്ടികളുടെ വിജയ ശതമാനം 99.37% ഉം ആൺകുട്ടികളുടെ വിജയ ശതമാനം 98.84% ഉം ആണ്. ഐഎസ്സിയിലും പെൺകുട്ടികൾ ആൺകുട്ടികളേക്കാൾ മികച്ച വിജയം നേടി. പെണ്കുട്ടികളുടെ വിജയ ശതമാനം 99.45ഉം ആൺകുട്ടികളുടേത് 98.64ഉം ആണ്.
252557 പേർ ഐസിഎസ്ഇ പരീക്ഷ എഴുതിയതിൽ 250249 പേർ വിജയിച്ചു. 99551 പേർ ഐഎസ്സി പരീക്ഷ എഴുതിയതിൽ 98578 പേർ വിജയിച്ചു. cisce.org, results.cisce.org, ഡിജിലോക്കർ എന്നിവയിലൂടെ ഫലമറിയാം. മൂന്ന് ദിവസത്തിനുള്ളിൽ റീവാല്വേഷന് അപേക്ഷിക്കാം.
ഐ സി എസ് ഇ പരീക്ഷകൾ ഫെബ്രുവരി 18 മുതൽ മാർച്ച് 27 വരെയും ഐ എസ് സി പരീക്ഷകൾ ഫെബ്രുവരി 13 മുതൽ ഏപ്രിൽ 5 വരെയുമാണ് നടന്നത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam