'പാലക്കാട് മെഡിക്കൽ കോളേജിലെ ഡോക്ടർമാരുടെ നിയമനങ്ങളിൽ ക്രമക്കേട്'; ആരോപണവുമായി സി കൃഷ്ണകുമാർ

ജൂനിയർ റെസിഡൻ്റിനെ പത്രപരസ്യം ഇല്ലാതെ നിയമിച്ചു. വിജിലൻസ് അന്വേഷണം വന്നപ്പോൾ നിയമിച്ചവരെ പറഞ്ഞു വിട്ടു. എന്നാൽ അന്വേഷണം മുന്നോട്ട് പോയില്ല. 

പാലക്കാട്: പാലക്കാട് മെഡിക്കൽ കോളേജിലെ ഡോക്ടർമാരുടെ നിയമനങ്ങളിൽ ക്രമക്കേടുണ്ടെന്ന ആരോപണവുമായി ബിജെപി നേതാവ് സി കൃഷ്ണകുമാർ. എസ്‍സി-എസ്ടി ഫണ്ട് കൊള്ളയടിക്കുന്ന സ്ഥാപനമായി മാറി. ദന്തരോഗ വിഭാഗത്തിൽ 4 പോസ്റ്റുകളാണ് ഉള്ളത്. ഇതിൽ 4 പേർക്ക് പുറമെ അനുമതിയില്ലാതെ 3 പേരെ നിയമിച്ചുവെന്നും സി കൃഷ്ണകുമാർ പറഞ്ഞു. 

ജൂനിയർ റെസിഡൻ്റിനെ പത്രപരസ്യം ഇല്ലാതെ നിയമിച്ചു. വിജിലൻസ് അന്വേഷണം വന്നപ്പോൾ നിയമിച്ചവരെ പറഞ്ഞു വിട്ടു. എന്നാൽ അന്വേഷണം മുന്നോട്ട് പോയില്ല. നിശ്ചിത യോഗ്യതയില്ലാത്ത ആളെ സൂപ്രണ്ടായി നിയമിച്ചുവെന്നും സി കൃഷ്ണകുമാർ പറഞ്ഞു. 

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം