നാടൻപാട്ട് കലാകാരൻ ജിതേഷ് കക്കടിപ്പുറം അന്തരിച്ചു
Synopsis
കരൾ രോഗബാധിതനായി ചികിത്സയിലായിരുന്ന ജിതേഷ് മലപ്പുറം ചങ്ങരംകുളത്ത് വീട്ടില് വച്ചാണ് മരിച്ചത്.
മലപ്പുറം: പ്രശസ്ത നാടന്പാട്ട് കലാകാരന് ജിതേഷ് കക്കടിപ്പുറം അന്തരിച്ചു. കരൾ രോഗബാധിതനായി ചികിത്സയിലായിരുന്നു. മലപ്പുറം ചങ്ങരംകുളത്ത് വീട്ടിലായിരുന്നു അന്ത്യം. ശനിയാഴ്ച പുലര്ച്ചെയാണ് വീട്ടില് മരിച്ച നിലയില് കണ്ടെത്തിയത്.
ചങ്ങരംകുളം സണ്റൈസ് ആശുപത്രിയില് മോര്ച്ചറിയില് സൂക്ഷിച്ച മൃതദേഹം ഇന്ക്വസ്റ്റ് നടപടികള് പൂര്ത്തിയാക്കി കൊവിഡ് ടെസ്റ്റിന് അയക്കും. 'കൈതോല പായ വിരിച്ച്'. എന്ന നാടൻപാട്ടിലൂടെ മലയാളികളുടെ മനസില് ഇടം നേടിയ ജിതേഷ് കക്കിടിപ്പുറത്തിന്റെ കഴിവുകള് അടുത്ത കാലത്താണ് പുറം ലോകം അറിയുന്നത്.