പത്മജ ബിജെപിയിലേക്ക്; ഇന്ന് പാര്ട്ടി അംഗത്വം സ്വീകരിക്കും
Synopsis
എകെ ആന്റണിയുടെ മകനായ അനില് ആന്റണിക്ക് പിന്നാലെ കെ കരുണാകരന്റെ മകളും ബിജെപിയിലേക്ക് പാളയത്തിലേക്ക് പോകുന്നതിന്റെ ഞെട്ടലിലാണ് കോണ്ഗ്രസ് നേതൃത്വം.
ദില്ലി: മുതിര്ന്ന കോണ്ഗ്രസ് നേതാവും അന്തരിച്ച മുന് മുഖ്യമന്ത്രി കെ കരുണാകരന്റെ മകളുമായ പത്മജ വേണുഗോപാല് ബിജെപിയിലേക്ക്. പത്മജ ഇന്ന് ബിജെപി അംഗത്വം സ്വീകരിക്കും. ബിജെപി ദേശീയനേതൃത്വവുമായി പത്മജ ചര്ച്ച നടത്തി.
ബിജെപിയില് ചേരുമെന്ന അഭ്യൂഹങ്ങള് നേരത്തെ പുറത്ത് വന്നിരുന്നുവെങ്കിലും സമൂഹമാധ്യമത്തിലൂടെ പത്മജ വേണുഗോപാല് ഇത് നിഷേധിച്ചിരുന്നു. എന്നാല്, പിന്നീട് ഈ ഫേസ്ബുക്ക് പോസ്റ്റ് പത്മജ വേണുഗോപാല് പിന്വലിച്ചു. അതിന് പിന്നാലെ പത്മജ വേണുഗോപാല് തന്റെ ഫേസ്ബുക്ക് ബയോയും മാറ്റിയിരുന്നു. ഇന്ത്യന് പൊളിറ്റിഷന് ഫ്രം കേരള എന്നാണ് പത്മജ ഫേസ്ബുക്ക് ബയോ മാറ്റിയത്.
കോണ്ഗ്രസ് സ്ഥാനാര്ത്ഥിയായി 2004ല് മുകുന്ദപുരത്ത് നിന്നും ലോക്സഭയിലേക്കും തൃശൂര് നിന്ന് 2021 ല് നിയമസഭയിലേക്കും മത്സരിച്ച് പത്മജ വേണുഗോപാല് പരാജയപ്പെട്ടിരുന്നു. എകെ ആന്റണിയുടെ മകനായ അനില് ആന്റണിക്ക് പിന്നാലെ കെ കരുണാകരന്റെ മകളും ബിജെപിയിലേക്ക് പാളയത്തിലേക്ക് പോകുന്നതിന്റെ ഞെട്ടലിലാണ് കോണ്ഗ്രസ് നേതൃത്വം.
'ഗണേഷ് കുമാറിന്റെ വിചിത്ര നിര്ദേശം': ബഹിഷ്കരണ സമരത്തിനൊരുങ്ങി ഡ്രൈവിംഗ് സ്കൂള് ഉടമകള്
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam