'ശ്രീനാരായണ ഗുരുവിനെ അപമാനിച്ചു, ശ്ലോകത്തോട് പോലും ധാര്‍ഷ്ഠ്യം'; മുഖ്യമന്ത്രി മാപ്പ് പറയണമെന്ന് സുധാകരന്‍

മുഖ്യമന്ത്രി പരസ്യമായി മാപ്പ് പറയണം.  ശ്രീനാരായണ ഗുരുവിനെ സ്തുതിക്കുന്ന ശ്ലോകത്തിനോട് പോലും മുഖ്യമന്ത്രി എന്തിനാണ് ഇത്ര ധാര്‍ഷ്ട്യം കാട്ടുന്നതെന്നും കെ സുധാകരൻ ചോദിച്ചു.

കണ്ണൂര്‍: എസ് എന്‍ കോളേജ് ഇന്‍ഡോര്‍ സ്‌റ്റേഡിയത്തിന്‍റെ ഉദ്ഘാടന വേദിയില്‍ മുഖ്യമന്ത്രി പിണറായി വിജയൻ ശ്രീനാരായണ കീര്‍ത്തനത്തെയും ഗുരുവിനെയും അപമാനിച്ചെന്ന് കെപിസിസി അധ്യക്ഷൻ കെ സുധാകരൻ. മുഖ്യമന്ത്രി പരസ്യമായി മാപ്പ് പറയണം.  ശ്രീനാരായണ ഗുരുവിനെ സ്തുതിക്കുന്ന ശ്ലോകത്തിനോട് പോലും മുഖ്യമന്ത്രി എന്തിനാണ് ഇത്ര ധാര്‍ഷ്ട്യം കാട്ടുന്നതെന്നും കെ സുധാകരൻ ചോദിച്ചു.

താത്കാലിക വോട്ട് ബാങ്ക് ലക്ഷ്യമിട്ട് രാഷ്ട്രീയത്തിന്‍റെ പേരില്‍ മാത്രം മതവിഭാഗങ്ങളോട് മമത പ്രകടിപ്പിക്കുന്നതുമാണ് സിപിഎമ്മിന്‍റേയും മുഖ്യമന്ത്രിയുടെയും ശൈലി. വര്‍ഗീയ ശക്തികളോട് സമരസപ്പെടുന്ന മുഖ്യമന്ത്രി ആചാരങ്ങളെയും അനുഷ്ഠാനങ്ങളേയും പരിഹസിക്കുകയും അധിക്ഷേപിക്കുകയും മതമേലധ്യക്ഷന്‍മാരെ അവഹേളിക്കുകയും ചെയ്യുന്നത് പതിവാണെന്നും കെ സുധാകരൻ വ്യക്തമാക്കി.