ആരെ കൊല്ലാൻ? മരണക്കെണിയായി അനാസ്ഥ; കാലടി സർവകലാശാലയിൽ ലിഫ്റ്റിനായി പണിത ഭാഗം തുറന്നിട്ട നിലയിൽ

കാലടി സർവകലാശാലയിലെ അക്കാദമിക് ബ്ലോക്കിൽ അപകടക്കെണിയൊരുക്കി ലിഫ്റ്റിൻ്റെ ഭാഗം തുറന്നിട്ട നിലയിൽ

കൊച്ചി: കാലടി സർവകലാശാലയിൽ മരണക്കെണിയൊരുക്കി അധികൃതരുടെ അനാസ്ഥ. സർവകലാശാലയുടെ അക്കാഡമിക് ബ്ലോക്കിൽ മൂന്നാം നിലയിൽ ലിഫ്റ്റിനായി പണിത ഭാഗം തുറന്നു കിടക്കുകയാണ്. നിരവധി വിദ്യാർത്ഥികളും അധ്യാപകരും സ്ഥിരമായി ഉപയോഗിക്കുന്ന വഴിയിലാണ് ലിഫ്റ്റ്. ലിഫ്റ്റ് സ്ഥാപിക്കാനായി പുതുതായി പണിത ഭാഗം രണ്ട് കസേരകൾ ഉപയോഗിച്ചാണ് മറച്ചിരിക്കുന്നത്. രണ്ടാം നിലയിൽ ബെഞ്ച് ഉപയോഗിച്ചാണ് അപകടക്കെണി മറച്ചിരിക്കുന്നത്. നിരവധി വിദ്യാർത്ഥികളും അധ്യാപകരും കടന്നുപോകുന്ന ഭാഗത്താണ് ഈ അപകടക്കെണിയുള്ളത്. പിജി അഡ്മിഷനെന്ന പേരിൽ കെട്ടിടത്തിന് അകത്ത് പ്രവേശിച്ച ഏഷ്യാനെറ്റ് ന്യൂസ് സംഘം മൊബൈൽ ക്യാമറ ഉപയോഗിച്ചാണ് ഈ ദുരവസ്ഥ പകർത്തിയത്.