കണ്ണൂർ-എറണാകുളം ഇന്റർസിറ്റി ഈ ദിവസങ്ങളിൽ ഭാ​ഗികമായി റദ്ദാക്കി, ചില ട്രെയിനുകൾ വൈകിയോടും; റെയിൽവേ അറിയിപ്പ്

കണ്ണൂർ-എറണാകുളം ജങ്ഷൻ(16306) ഇന്റർസിറ്റി എക്സ്പ്രസ് സെപ്റ്റംബർ 25,26,27 ഒക്ടോബർ 02,04,06,09,11,13 തീയതികളിൽ തൃശ്ശൂരിനും എറണാകുളത്തിനും ഇടയിൽ റദ്ദാക്കി. ഈ ദിവസങ്ങളിൽ ട്രെയിൻ തൃശ്ശൂരിൽ യാത്ര അവസാനിപ്പിക്കും.

തിരുവനന്തപുരം: റെയിൽവേ ട്രാക്കുകളിൽ അറ്റകുറ്റപ്പണികൾ നടക്കുന്നതിനാൽ ചില ട്രെയിനുകൾ ഭാ​ഗികമായി റദ്ദാക്കിയതായും മറ്റുചിലത് വൈകുമെന്നും റെയിൽവേ അറിയിച്ചു.

ഭാ​ഗികമായി റദ്ദാക്കിയ ട്രെയിനുകൾ-

തിരുവനന്തപുരം ഡിവിഷനിലെ അറ്റകുറ്റപ്പണി കാരണം കണ്ണൂർ-എറണാകുളം ജങ്ഷൻ(16306) ഇന്റർസിറ്റി എക്സ്പ്രസ് സെപ്റ്റംബർ 25,26,27 ഒക്ടോബർ 02,04,06,09,11,13 തീയതികളിൽ തൃശ്ശൂരിനും എറണാകുളത്തിനും ഇടയിൽ റദ്ദാക്കി. ഈ ദിവസങ്ങളിൽ ട്രെയിൻ തൃശ്ശൂരിൽ യാത്ര അവസാനിപ്പിക്കും.

സേലം ഡിവിഷനിലെ അറ്റകുറ്റപ്പണി കാരണം കോയമ്പത്തൂർ-ഷൊർണൂർ പാസഞ്ചർ (56603) സെപ്റ്റംബർ 18, 26 തീയതികളിൽ കോയമ്പത്തൂരിനും പോത്തന്നൂരിനും ഇടയിൽ ഭാ​ഗികമായി റദ്ദാക്കി. ഈ ദിവസങ്ങളിൽ പോത്തന്നൂർ ജങ്ഷനിൽനിന്നാകും ട്രെയിൻ പുറപ്പെടുക. ഷൊർണൂർ-കോയമ്പത്തൂർ പാസഞ്ചർ(56604) ട്രെയിനും ഈ ദിവസങ്ങളിൽ പോത്തന്നൂരിനും കോയമ്പത്തൂരിനും ഇടയിൽ റദ്ദാക്കി. ഈ ദിവസങ്ങളിൽ ട്രെയിൻ പോത്തന്നൂരിൽ യാത്ര അവസാനിപ്പിക്കും.

കോയമ്പത്തൂർ-ജബൽപൂർ വീക്ക്ലി സ്പെഷ്യൽ എക്സ്പ്രസ്(02197) സെപ്റ്റംബർ 21-ന് കോയമ്പത്തൂരിനും പോത്തന്നൂരിനും ഇടയിൽ റദ്ദാക്കി. ഈ ദിവസം പോത്തന്നൂരിൽനിന്നാകും ട്രെയിൻ യാത്രതിരിക്കുക.

വൈകിയോടുന്ന ട്രെയിനുകൾ-

പാലക്കാ‍ട് ഡിവിഷനിലെ അറ്റകുറ്റപ്പണികൾ കാരണം വിവിധ ട്രെയിനുകൾ വൈകിയോടും.

മം​ഗളൂരു സെൻട്രൽ- ചെന്നൈ സെൻട്രൽ(22638) വെസ്റ്റ് കോസ്റ്റ് എക്സ്പ്രസ് സെപ്റ്റംബർ 06,08,10,13 തീയതികളിൽ 45 മിനിറ്റ് വരെ വൈകും.

ഹസ്രത് നിസാമുദ്ദീൻ-എറണാകുളം മം​ഗള സൂപ്പർഫാസ്റ്റ് എക്സ്പ്രസ്(12618) സെപ്റ്റംബർ 05,12 തീയതികളിൽ 45 മിനിറ്റ് വൈകും.

ആലപ്പുഴ-കണ്ണൂർ എക്സിക്യൂട്ടീവ് എക്സ്പ്രസ്(16307) ഒക്ടോബർ മൂന്നിന് 30 മിനിറ്റ് വൈകിയോടും.

എറണാകുളം-പാലക്കാട് മെമു(66610) സെപ്റ്റംബർ 25-നും ഒക്ടോബർ മൂന്നിനും 35 മിനിറ്റ് വൈകും.

CHANGES IN TRAIN SERVICES

To facilitate track maintenance works in the Thiruvananthapuram division on various days, the following changes were made to the train services#PalakkadDivision #SouthernRailways #IndianRailways pic.twitter.com/rXPlBDpVmX

— Palakkad Division (@DRMPalghat) September 4, 2026