കേരള എഞ്ചിനീയറിഗ്-ഫാർമസി റാങ്ക് പട്ടിക നാളെ, പരീക്ഷ എഴുതിയത് ഒന്നേ കാൽ ലക്ഷം വിദ്യാർത്ഥികൾ

റാങ്ക് പട്ടിക പ്രസിദ്ധീകരിക്കും മുമ്പ് തന്നെ വിദ്യാർത്ഥികളുടെ സ്കോർ അനുസരിച്ചുള്ള ഓപ്ഷൻ രജിസ്ട്രേഷൻ തുടങ്ങിയിരുന്നു.

തിരുവനന്തപുരം: കേരള എഞ്ചിനീയറിഗ് - ഫാർമസി റാങ്ക് പട്ടിക നാളെ പ്രസിദ്ധീകരിക്കും. രാവിലെ എട്ടരക്ക് ഉന്നത വിദ്യാഭ്യാസമന്ത്രിയുടെ വാർത്താസമ്മേളനത്തിലാണ് റാങ്ക് പ്രഖ്യാപിക്കുക. ഒന്നേ കാൽ ലക്ഷം വിദ്യാർത്ഥികളാണ് ഇത്തവണ പരീക്ഷ എഴുതിയത്. റാങ്ക് പട്ടിക പ്രസിദ്ധീകരിക്കും മുമ്പ് തന്നെ വിദ്യാർത്ഥികളുടെ സ്കോർ അനുസരിച്ചുള്ള ഓപ്ഷൻ രജിസ്ട്രേഷൻ തുടങ്ങിയിരുന്നു. സിബിഎസ്ഇ ഇപ്രൂവ്മെൻറ് പരീക്ഷ എഴുതിയവർക്ക് കൂടി അപേക്ഷിക്കാൻ അവസരം നൽകണമെന്ന കോടതി ഉത്തരവ് മൂലമാണ് പട്ടിക പ്രസിദ്ധീകരിക്കാൻ വൈകിയതെന്നാണ് എൻട്രൻസ് കമ്മീഷണറുടെ വിശദീകരണം.