വയനാടിന് ഇനി സ്വന്തമായി മെഡിക്കല് കോളേജ്; സുപ്രധാന തീരുമാനമെടുത്ത് സര്ക്കാര്
Synopsis
ഡി എം വിംസിന്റെ ഉടമസ്ഥരായ ഡി എം എജുക്കേഷണല് റിസര്ച്ച് ഫൗണ്ടേഷന് മുന്നോട്ടുവെച്ച നിര്ദേശങ്ങള് അപ്രായോഗികമാണെന്ന് വിദഗ്ധ സമിതി അഭിപ്രായപ്പെട്ടു. ഇത് കണക്കിലെടുത്താണ് സ്വന്തം നിലയില് മെഡിക്കല് കോളേജ് സ്ഥാപിക്കാന് തീരുമാനിച്ചത്
വയനാട്: വയനാട് ജില്ലയില് ഡി എം വിംസ് എന്ന സ്വകാര്യ മെഡിക്കല് കോളേജ് ഏറ്റെടുക്കാനുള്ള നിര്ദേശം സര്ക്കാര് വേണ്ടെന്നു വച്ചു. സ്വന്തം നിലയില് സര്ക്കാര് സ്ഥലം ഏറ്റെടുത്ത് മെഡിക്കല് കോളേജ് സ്ഥാപിക്കാനും മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന ഉന്നതതലയോഗം തീരുമാനിച്ചു.
സ്വകാര്യ മെഡിക്കല് കോളേജ് ഏറ്റെടുക്കാനുള്ള നിര്ദേശം പരിശോധിക്കാന് ചീഫ് സെക്രട്ടറി അധ്യക്ഷനായ സമിതിയെ സര്ക്കാര് നിയോഗിച്ചിരുന്നു. ഡി എം വിംസിന്റെ ഉടമസ്ഥരായ ഡി എം എജുക്കേഷണല് റിസര്ച്ച് ഫൗണ്ടേഷന് മുന്നോട്ടുവെച്ച നിര്ദേശങ്ങള് അപ്രായോഗികമാണെന്ന് വിദഗ്ധ സമിതി അഭിപ്രായപ്പെട്ടു. ഇത് കണക്കിലെടുത്താണ് സ്വന്തം നിലയില് മെഡിക്കല് കോളേജ് സ്ഥാപിക്കാന് തീരുമാനിച്ചത്. കോളേജിന് അനുയോജ്യമായ സ്ഥലം കണ്ടെത്താന് ആരോഗ്യവകുപ്പിനെ ചുമതലപ്പെടുത്തി.
യോഗത്തില് മന്ത്രിമാരായ കെ കെ ശൈലജ, ഇ ചന്ദ്രശേഖരന്, ചീഫ് സെക്രട്ടറി ഡോ. വിശ്വാസ് മേത്ത, നിയമ സെക്രട്ടറി പി കെ അരവിന്ദ ബാബു, ആരോഗ്യ വകുപ്പ് പ്രിന്സിപ്പല് സെക്രട്ടറി ഡോ. രാജന് ഖൊബ്രഗഡെ എന്നിവര് പങ്കെടുത്തു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam