വോട്ട് ചെയ്ത് ചെന്നൈക്ക് മടക്കം, ട്രെയിന്‍ ഇറങ്ങി നടന്നു പോകുമ്പോള്‍ കാറിടിച്ച് അപകടം; വയോധികന്‍ മരിച്ചു, രണ്ട് പേര്‍ക്ക് പരിക്ക്

നിയമസഭാ തിരഞ്ഞെടുപ്പില്‍ വോട്ട് ചെയ്യാനായി നാട്ടിലെത്തി തിരിച്ചുപോകുന്നതിനിടെ ചെന്നൈ തിരുവള്ളൂരില്‍ കാറിടിച്ച് വേങ്ങര സ്വദേശി മരിച്ചു

മലപ്പുറം: നിയമസഭാ തിരഞ്ഞെടുപ്പില്‍ വോട്ട് ചെയ്യാനായി നാട്ടിലെത്തി തിരിച്ചുപോകുന്നതിനിടെ ചെന്നൈ തിരുവള്ളൂരില്‍ കാറിടിച്ച് വേങ്ങര സ്വദേശി മരിച്ചു. വേങ്ങര മാടം ചിനപ്പൂവഞ്ചേരി അബൂബക്കര്‍ (62) ആണ് മരിച്ചത്. കൂടെയുണ്ടായിരുന്ന മറ്റ് രണ്ട് ചെങ്ങാനി സ്വദേശികള്‍ക്ക് അപകടത്തില്‍ പരിക്കേറ്റു. ചെന്നൈ തിരുവള്ളൂരില്‍ ജോലി ചെയ്തിരുന്ന ഇവര്‍ വോട്ട് ചെയ്യാനായി നാട്ടിലെത്തിയതായിരുന്നു. തിരിച്ചു പോകുന്നതിനിടെ പുലര്‍ച്ചെ അഞ്ച് മണിയോടെ ട്രെയിന്‍ ഇറങ്ങി താമസസ്ഥലത്തേക്ക് നടന്നു പോകുമ്പോഴാണ് ഇവരെ കാറിടിച്ചത്. ഗുരുതരമായി പരിക്കേറ്റ് ചികിത്സയിലിരിക്കെ അബൂബക്കര്‍ മരണപ്പെടുകയായിരുന്നു. മൃതദേഹം നാട്ടിലെത്തിച്ച് ഇന്ന് കൂറ്റൂര്‍ മാടംചിന ജുമാമസ്ജിദ് ഖബര്‍സ്ഥാനില്‍ ഖബറടക്കും. നഫീസയാണ് ഭാര്യ. സലീന, സുഹ്റാബി, ഹഫ്സത്ത്, മാജിദ, സിയാന ജാസ്മിന്‍ എന്നിവര്‍ മക്കളാണ്.