മൂന്നാം തരംഗം നേരിടാൻ കേരളം, ഓക്സിജന് ജനറേഷന് യൂണിറ്റുകള് സജ്ജമാക്കുന്നു, ആരോഗ്യ വകുപ്പ് അടിയന്തര ഇടപെടൽ
Synopsis
മൂന്നാം തരംഗമുണ്ടായാല് ഓക്സിജന്റെ ലഭ്യതയുമായി ബന്ധപ്പെട്ടുണ്ടായേക്കാവുന്ന പ്രയാസങ്ങള് യോഗം ചര്ച്ച ചെയ്തു. സംസ്ഥാനത്തിന്റെ വിവിധ ഭാഗങ്ങളിൽ ആഗസ്റ്റില് 33 ഓക്സിജന് ജനറേഷന് യൂണിറ്റുകള് ആരംഭിക്കും.
തിരുവനന്തപുരം: കൊവിഡ് മൂന്നാം തരംഗമുണ്ടാകുമെന്ന വിദഗ്ധാഭിപ്രായം കണക്കിലെടുത്ത് അടിയന്തര ഇടപെടലുകൾ നടത്തി ആരോഗ്യ വകുപ്പ്. ഓക്സിജന് ലഭ്യതയും ചികിത്സാ സൗകര്യങ്ങളും ഉറപ്പ് വരുത്താന് ആരോഗ്യ മന്ത്രിയുടെ നേതൃത്വത്തില് പ്രത്യേക അവലോക യോഗം ചേര്ന്നു. രണ്ടാം തരംഗത്തില് കേരളത്തെ ഓക്സിജൻ ദൌർലഭ്യം ബാധിച്ചിരുന്നില്ല. എന്നാൽ മൂന്നാം തരംഗമുണ്ടായാല് കേരളത്തിൽ ഉണ്ടായേക്കാവുന്ന ഓക്സിജന്റെ ലഭ്യതയുമായി ബന്ധപ്പെട്ടുണ്ടായേക്കാവുന്ന പ്രയാസങ്ങള് യോഗം ചര്ച്ച ചെയ്തു.
സംസ്ഥാനത്തിന്റെ വിവിധ ഭാഗങ്ങളിൽ ആഗസ്റ്റില് 33 ഓക്സിജന് ജനറേഷന് യൂണിറ്റുകള് സജ്ജമാക്കും. കേന്ദ്രാവിഷ്കൃത പദ്ധതികള്, സംസ്ഥാനത്തിന്റെ പദ്ധതികള്, സി.എസ്.ആര്. ഫണ്ട്, സന്നദ്ധ സംഘടനകളുടെ ഫണ്ട് എന്നിവയുപയോഗിച്ചാണ് സംസ്ഥാനത്തെ ഓക്സിജന് ജനറേഷന് യൂണിറ്റുകള് പ്രവര്ത്തനസജ്ജമാക്കിക്കൊണ്ടിരിക്കുന്നത്. ഇതിലൂടെ 77 മെട്രിക് ടണ് ഓക്സിജന് അധികമായി നിര്മ്മിക്കാന് സാധിക്കും.
സംസ്ഥാന സര്ക്കാര് വിവിധ ഫണ്ട് വിനിയോഗിച്ച് നിര്മ്മിക്കുന്ന 38 ഓക്സിജന് ജനറേഷന് യൂണിറ്റുകളുടെ നിര്മ്മാണ പുരോഗതിയും യോഗം വിലയിരുത്തി. കൊവിഡ് രണ്ടാം പാക്കേജില് ഉള്പ്പെടുത്തി സംസ്ഥാനത്തെ ശിശുരോഗ ചികിത്സാ മേഖലയുടെ അടിയന്തര വിപുലീകരണം സംബന്ധിച്ചും ചര്ച്ച നടത്തി. യുദ്ധകാലാടിസ്ഥാനത്തില് ഈ പദ്ധതികളുടെ നിര്വഹണം പൂര്ത്തിയാക്കുന്നതിന് കെ.എം.എസ്.സി.എല്, ആരോഗ്യ വകുപ്പ്, ആരോഗ്യ വിദ്യാഭ്യാസ വകുപ്പ് ഉദ്യോഗസ്ഥര്ക്ക് മന്ത്രി നിര്ദേശം നല്കി.
കേരള ജനസംഖ്യയുടെ പകുതിയോളം പേര്ക്ക് രോഗസാധ്യത നിലനില്ക്കുകയാണെന്നും എല്ലാവരും അതീവ ജാഗ്രത പാലിക്കണമെന്നും ആരോഗ്യമന്ത്രി വീണാ ജോര്ജ് പറഞ്ഞു. അതിവ്യാപന ശേഷിയുള്ള ഡെല്റ്റ വൈറസിന്റെ സാന്നിധ്യവുമുണ്ട്. വാക്സിനേഷന് ഭൂരിഭാഗം പേരിലേക്ക് എത്തുന്നതിന് മുമ്പ് മൂന്നാം തരംഗം ഉണ്ടാകുകയാണെങ്കില് ഗുരുതരാവസ്ഥയും ആശുപത്രി അഡ്മിഷനുകളും വളരെ കൂടുതലായിരിക്കും. വാക്സീന് ലഭ്യമാകുന്ന മുറയ്ക്ക് യുദ്ധകാലാടിസ്ഥാനത്തില് പരമാവധി പേര്ക്ക് നല്കി പ്രതിരോധം തീര്ക്കാന് ആരോഗ്യ വകുപ്പ് സുസജ്ജമാണെന്ന് ആരോഗ്യമന്ത്രി അറിയിച്ചു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam