രണ്ടാഴ്ചയ്ക്കുള്ളില്‍ ബിരുദ പരീക്ഷാഫലം പ്രഖ്യാപിച്ച് കേരള സര്‍വകലാശാല: 48.65 ശതമാനം വിജയം

പരീക്ഷയെഴുതിയ 27280 വിദ്യാർത്ഥികളിൽ 13277 പേർ മാത്രമാണ്  പാസായിട്ടുള്ളത്.

തിരുവനന്തപുരം: കേരള സര്‍വകലാശാലയുടെ ബിരുദ പരീക്ഷാഫലം പ്രഖ്യാപിച്ചു. പരീക്ഷകള്‍ പൂര്‍ത്തിയായി രണ്ടാഴ്ചയ്ക്കുള്ളിലാണ് ഫലപ്രഖ്യാപനം നടത്തിയത്. അതേസമയം പരീക്ഷ എഴുതിയ 48 ശതമാനം കുട്ടികള്‍ മാത്രമേ വിജയിച്ചിട്ടുള്ളൂ. കഴിഞ്ഞ വര്‍ഷം ജൂണ്‍-ജൂലായ് മാസങ്ങളിലായാണ് സര്‍വകാലാശാല ഫലപ്രഖ്യാപനം നടത്തിയത്. ബിഎ, ബിഎസ്എസി, ബികോം ബിരുദവിദ്യാര്‍ത്ഥികളുടെ പരീക്ഷാഫലമാണ് പുറത്തു വിട്ടിരിക്കുന്നത്. പരീക്ഷയെഴുതിയ 27280 വിദ്യാർത്ഥികളിൽ 13277 പേർ മാത്രമാണ്  പാസായിട്ടുള്ളത്. പിജി ക്ലാസുകളിൽ ജൂൺ 17-ന് ആരംഭിക്കുമെന്നും കേരള സർവകലാശാല അറിയിച്ചു.