ഫലപ്രഖ്യാപനത്തിന്റെ തിരക്കിൽ ലഹരിമരുന്ന് വിൽപ്പന; മൊത്തവിതരണക്കാരനെ പിടികൂടി എക്സൈസ്

തിരുവനന്തപുരം മടവൂർ സ്വദേശി തൻസീർ ആണ് ചടയമംഗലം എക്സൈസ് റേഞ്ച് സംഘത്തിൻ്റെ പിടിയിലായത്. ഇയാളിൽ നിന്ന് 20 ഗ്രാം എംഡിഎംഎ പിടിച്ചെടുത്തു. വിപണിയിൽ ഒരു ലക്ഷം രൂപയോളം വിലവരുന്ന എംഡിഎംഎയാണ് കണ്ടെടുത്തതെന്ന് എക്സൈസ് അറിയിച്ചു.

കൊല്ലം: കൊല്ലത്ത് നിലമേലിൽ നിയമസഭാ തെരഞ്ഞെടുപ്പ് ഫലപ്രഖ്യാപനത്തിന്റെ തിരക്ക് മുതലെടുത്ത് ലഹരിക്കടത്തിന് ശ്രമിച്ച പ്രതി പിടിയിൽ. തിരുവനന്തപുരം മടവൂർ സ്വദേശി തൻസീർ ആണ് ചടയമംഗലം എക്സൈസ് റേഞ്ച് സംഘത്തിൻ്റെ പിടിയിലായത്. ഇയാളിൽ നിന്ന് 20 ഗ്രാം എംഡിഎംഎ പിടിച്ചെടുത്തു. വിപണിയിൽ ഒരു ലക്ഷം രൂപയോളം വിലവരുന്ന എംഡിഎംഎയാണ് കണ്ടെടുത്തതെന്ന് എക്സൈസ് അറിയിച്ചു. എംഡിഎംഎ ഉൾപ്പെടെയുള്ള മാരക ലഹരിമരുന്നുകളുടെ പ്രധാന മൊത്തവിതരണക്കാരനാണ് പ്രതിയെന്നും എക്സൈസ് വ്യക്തമാക്കി.