കെപിസിസി രാഷ്ട്രീയകാര്യ സമിതി യോഗം ഇന്ന്; പാ‍ർട്ടി പുനസംഘടന പ്രധാന അജണ്ട

പാർട്ടി അധ്യക്ഷസ്ഥാനം രാഹുൽ ഗാന്ധി രാജിവച്ചത് സംസ്ഥാന ഘടകത്തിന്‍റെ പുനസംഘടനയെ ബാധിക്കില്ലെന്നാണ് കെപിസിസിയുടെ വിലയിരുത്തൽ

തിരുവനന്തപുരം: കെപിസിസി രാഷ്ട്രീയകാര്യ സമിതി യോഗം ഇന്ന് ഉച്ചക്ക് ചേരും. കെപിസിസി അധ്യക്ഷൻ മുല്ലപ്പള്ളി രാമചന്ദ്രന്‍റെ അധ്യക്ഷതയിൽ ഇന്ദിരാഭവനിലാണ് യോഗം ചേരുക. പാർട്ടി പുനസംഘടനയാണ് യോഗത്തിന്‍റെ പ്രധാന അജണ്ട.

പാർട്ടി അധ്യക്ഷസ്ഥാനം രാഹുൽ ഗാന്ധി രാജിവച്ചത് സംസ്ഥാന ഘടകത്തിന്‍റെ പുനസംഘടനയെ ബാധിക്കില്ലെന്നാണ് കെപിസിസിയുടെ വിലയിരുത്തൽ. ഉപതെരഞ്ഞെടുപ്പിനുള്ള ഒരുക്കങ്ങളും സമിതി ചർച്ച ചെയ്യും. നിലവിലെ രാഷ്ട്രീയ സാഹചര്യങ്ങളും യോഗത്തിൽ ചർച്ചയാകും