എൽദോസിനെതിരെ കടുത്ത നടപടി? ഒക്ടോബര് 20-നകം വിശദീകരണം നൽകണമെന്ന് കെപിസിസി
Synopsis
ഒരു പൊതുപ്രവര്ത്തകൻ്റെ പേരില് ഒരിക്കലും കേള്ക്കാന് പാടില്ലാത്ത ഗുരുതരമായ ആരോപണമാണ് ഇപ്പോള് എൽദോസിന് ഉയര്ന്നിരിക്കുന്നതെന്ന് കെപിസിസി
തിരുവനന്തപുരം: ബലാത്സംഗക്കേസിൽ പ്രതിയായ എൽദോസ് കുന്നിപ്പിള്ളിൽ എംഎൽഎയ്ക്ക് എതിരെ കര്ശന നടപടിക്കൊരുങ്ങി കെപിസിസി. ആരോപണ വിധേയനായ എൽദോസ് കുന്നിപ്പിള്ളിൽ എംഎൽഎ ഒക്ടോബര് 20-നകം വിശദീകരണം നൽകണമെന്ന് ആവശ്യപ്പെട്ട് കെപിസിസി പ്രസിഡൻ്റ് കെ.സുധാകരൻ കത്ത് നൽകിയതായി സംഘടനാ ചുമതലയുള്ള കെപിസിസി ജനറൽ സെക്രട്ടറി ടി.യു രാധാകൃഷ്ണൻ അറിയിച്ചു.
ഒരു പൊതുപ്രവര്ത്തകൻ്റെ പേരില് ഒരിക്കലും കേള്ക്കാന് പാടില്ലാത്ത ഗുരുതരമായ ആരോപണമാണ് ഇപ്പോള് ഉയര്ന്ന് വന്നത്.അതിനാല് പ്രസ്തുത വിഷയത്തിലുള്ള എല്ദോസ് കുന്നപ്പിള്ളിയുടെ സത്യസന്ധമായ വിശദീകരണം കെ.പി.സി.സിക്ക് നിശ്ചിത സമയത്തിനകം നല്കണമെന്നും അല്ലാത്തപക്ഷം കടുത്ത അച്ചടക്കനടപടി സ്വീകരിക്കുമെന്നും കത്തിലൂടെ കെപിസിസി അധ്യക്ഷൻ മുന്നറിയിപ്പ് നല്കിയിട്ടുണ്ട്.
-
'രാജി വെച്ചില്ലെങ്കിൽ രാഷ്ട്രീയ ആയുധമാകും'; എൽദോസ് കുന്നപ്പിള്ളില് എംഎല്എയുടെ രാജി ആവശ്യപ്പെടാതെ സിപിഎം
-
'നീ അനുഭവിക്കും, കര്ത്താവ് എന്റെ കൂടെ'; ഒളിവിലിരുന്ന് സാക്ഷിക്ക് എൽദോസ് കുന്നപ്പിള്ളിയുടെ സന്ദേശം