കുട്ടനാട്ടിൽ യുഡിഎഫ് സ്ഥാനാർഥി റെജി ചെറിയാന് വിജയം

കേരളത്തിലെ ഇടതുപക്ഷ പ്രസ്ഥാനങ്ങളുടെ പോരാട്ടം ഏറ്റവും അധികം വളർത്തിയ മണ്ണാണ് കുട്ടനാട്. കർഷകത്തൊഴിലാളികളുടെ പോരാട്ടങ്ങൾക്ക് സാക്ഷിയായ നാട്. വെള്ളത്താൽ ചുറ്റപ്പെട്ട ഈ നാട്ടിൽ കൃഷി സംരക്ഷണം, അടിസ്ഥാന വികസനം തുടങ്ങിയവയാണ് പ്രധാനമായി ചർച്ചയാകുന്നത്.

കുട്ടനാട് : 2026 നിയമസഭ തെരഞ്ഞെടുപ്പിൽ കുട്ടനാട് നിയോജക മണ്ഡലത്തിലെ യുഡിഎഫ് സ്ഥാനാർഥി റെജി ചെറിയാന് വിജയം. 56594 വോട്ടുകളുടെ ഭൂരിപക്ഷം നേടിയാണ് റെജി ചെറിയാൻ വിജയിച്ചത്. പ്രധാന എതിരാളികളായ എൽഡിഎഫ് സ്ഥാനാർഥി തോമസ് കെ. തോമസ് 35994 വോട്ടുകളും ബിജെപി സ്ഥാനാർഥി 16932 വോട്ടുകളും നേടി.

കുട്ടനാട് താലൂക്കിൽ ഉൾപ്പെടുന്ന ചമ്പക്കുളം, എടത്വാ, കൈനകരി, കാവാലം, മുട്ടാർ, നെടുമുടി, നീലംപേരൂർ, പുളിങ്കുന്ന്, രാമങ്കരി, തകഴി, തലവടി, വെളിയനാട് എന്നീ പഞ്ചായത്തുകളും, കാർത്തികപ്പള്ളി താലൂക്കിലെ വീയപുരംപഞ്ചായത്തും ചേർന്നതാണ് കുട്ടനാട് നിയമസഭാമണ്ഡലം. ആലപ്പുഴ ലോക്‌സഭാ മണ്ഡലത്തിൻറെ ഭാഗമായ കുട്ടനാട്, കേരളത്തിലെ ഏറ്റവും പരിസ്ഥിതിലോലമായ പ്രദേശങ്ങളിലൊന്നാണ്. കേരളത്തിലെ ഇടതുപക്ഷ പ്രസ്ഥാനങ്ങളുടെ പോരാട്ടം ഏറ്റവും അധികം വളർത്തിയ മണ്ണാണ് കുട്ടനാട്. കർഷകത്തൊഴിലാളികളുടെ പോരാട്ടങ്ങൾക്ക് സാക്ഷിയായ നാട്. വെള്ളത്താൽ ചുറ്റപ്പെട്ട ഈ നാട്ടിൽ കൃഷി സംരക്ഷണം, അടിസ്ഥാന വികസനം തുടങ്ങിയവയാണ് പ്രധാനമായി ചർച്ചയാകുന്നത്.

2021-ലെ നിയമസഭാ തെരഞ്ഞെടുപ്പ് ഫലം

പ്രളയകാലത്തും മഹാമാരിയുടെ സമയത്തും സർക്കാർ നൽകിയ പിന്തുണയും നഷ്ടപരിഹാര വിതരണവും വോട്ടായി ലഭിച്ച തെരഞ്ഞെടുപ്പായിരുന്നു 2021ലേത്. എൻസിപി സ്ഥാനാർത്ഥിയായി എൽഡിഎഫ് മുന്നണിയിൽ മത്സരിച്ച തോമസ് കെ. തോമസ് 60,694 വോട്ടുകൾ നേടി വിജയിച്ചു. യുഡിഎഫ് സ്ഥാനാർത്ഥി അഡ്വ. ജേക്കബ് എബ്രഹാമിന് 48,326 വോട്ടുകൾ ലഭിച്ചു.