'കളങ്കിതരെ കെട്ടിയെഴുന്നള്ളിക്കുന്നത്​ ഒഴിവാക്കണം'; ശ്രീറാം വെങ്കിട്ടരാമനെ വാർത്താസമ്മേളനത്തിനൊപ്പം കൂട്ടിയ നടപടിക്കെതിരെ മാധ്യമപ്രവർത്തകരുടെ സംഘടന

മാധ്യമ പ്രവർത്തകൻ കെ.എം. ബഷീറിനെ വാഹനമിടിപ്പിച്ചു കൊലപ്പെടുത്തുകയും കേസിൽനിന്നു രക്ഷപ്പെടാൻ കപടനാട്യങ്ങൾ നടത്തുകയും വ്യാജങ്ങൾ ചമക്കുകയും ചെയ്​ത ശ്രീറാം വെങ്കിട്ടരാമനുമൊത്ത്​ മന്ത്രി ടി. സീദ്ദീഖ്​ വാർത്താസമ്മേളനത്തിന്​ എത്താൻ പാടില്ലായിരുന്നു.

തിരുവനന്തപുരം: ​ക്രിമിനൽ കേസ്​ പ്രതികളായ ഉദ്യോഗസ്ഥർ അടക്കം കളങ്കിത വ്യക്​തികളെ താക്കോൽ സ്ഥാനങ്ങളിൽ പ്രതിഷ്​ഠിക്കുകയും പ്രാമുഖ്യം നൽകുകയും ചെയ്യുന്നതിൽനിന്ന്​ സർക്കാർ വിട്ടുനിൽക്കണമെന്ന്​ കേരള പത്രപ്രവർത്തക യൂണിയൻ. മാധ്യമ പ്രവർത്തകൻ കെ.എം. ബഷീറിനെ വാഹനമിടിപ്പിച്ചു കൊലപ്പെടുത്തുകയും കേസിൽനിന്നു രക്ഷപ്പെടാൻ കപടനാട്യങ്ങൾ നടത്തുകയും വ്യാജങ്ങൾ ചമക്കുകയും ചെയ്​ത ശ്രീറാം വെങ്കിട്ടരാമനുമൊത്ത്​ മന്ത്രി ടി. സീദ്ദീഖ്​ വാർത്താസമ്മേളനത്തിന്​ എത്താൻ പാടില്ലായിരുന്നു. ഇതിനെതിരെ ശക്​തമായ പ്രതിഷേധം ഉയർത്തിയ തലസ്ഥാനത്തെ മാധ്യമപ്രവർത്തകർക്ക്​ അഭിവാദ്യങ്ങൾ. 

മാധ്യമ സമൂഹത്തിന്‍റെയാകെ ആത്മാഭിമാനം ഉണർത്തുന്നതായി ഈ പ്രതിഷേധം. കളങ്കിതരെ കെട്ടിയെഴുന്നള്ളിക്കുന്ന ഇത്തരം സന്ദർഭങ്ങൾ ഒഴിവാക്കാൻ മന്ത്രിമാർ അടക്കമുള്ള ഭരണനേതൃത്വം ജാഗ്രത കാണിക്കണമെന്നും ​ യൂണിയൻ പ്രസിഡന്‍റ്​ കെ.പി. റജിയും ജനറൽ സെക്രട്ടറി സുരേഷ്​ എടപ്പാളും ആവശ്യപ്പെട്ടു.