വിവാഹ വാര്ഷികാഘോഷം വേണ്ട, പണം ദുരിതാശ്വാസ നിധിയിലേക്ക് കൈമാറി കെവി തോമസ്
Synopsis
വീട്ടിലെ ആഘോഷങ്ങൾക്കും പ്രാര്ത്ഥനകള്ക്കും മാറ്റി വെച്ച പണമാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറിയത്
തിരുവനന്തപുരം: മുൻ കേന്ദ്രമന്ത്രിയും കോൺഗ്രസ് നേതാവുമായ കെവി തോമസ് വിവാഹ വാര്ഷിക ആഘോഷങ്ങൾക്ക് മാറ്റിവെച്ച ഒരു ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി. വീട്ടിലെ ആഘോഷങ്ങൾക്കും പ്രാര്ത്ഥനകള്ക്കും മാറ്റി വെച്ച പണമാണ് കൈമാറിയതെന്നും അദ്ദേഹത്തിന്റേത് മാതൃകാപരമായ തീരുമാനമാണെന്നും മുഖ്യമന്ത്രി വാര്ത്താസമ്മേളനത്തിൽ വ്യക്തമാക്കി.
കെവി തോമസിന്റേയും ഭാര്യ ഷേര്ളി തോമസിന്റേയും 50-ാമത്തെ വിവാഹ വാര്ഷികമായിരുന്നു ഏപ്രില് 12 ന്. വൈകിയാണെങ്കിലും ഇരുവര്ക്കും ആശംസകള് നേരുകയാണ്. സംസ്ഥാന സര്ക്കാരിന്റെ കൊവിഡ് പ്രതിരോധ പ്രവര്ത്തനങ്ങള്ക്ക് എല്ലാ പിന്തുണയും അദ്ദേഹം അറിയിച്ചതായും കൊവിഡ് പ്രതിരോധ പ്രവർത്തനങ്ങൾക്ക് അദ്ദേഹം മുന്നോട്ട് വെച്ച നിര്ദ്ദേശങ്ങള് പരിഗണിക്കുമെന്നും മുഖ്യമന്ത്രി കൂട്ടിച്ചേര്ത്തു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam