സർക്കാർ അഭിഭാഷകരുടെ വിവാദ നിയമനം: നടപടികൾ കടുപ്പിക്കാൻ ലോയേഴ്സ് കോൺ​ഗ്രസ്; മുഖ്യമന്ത്രിയെ നേരിട്ട് കാണാൻ പ്രത്യേക സംഘം

സർക്കാർ അഭിഭാഷകരുടെ വിവാദ നിയമനങ്ങളിൽ നടപടികൾ കടുപ്പിക്കാൻ ലോയേഴ്സ് കോൺ​ഗ്രസ്. മുഖ്യമന്ത്രി വിഡി സതീശനെ കണ്ട് നേരിട്ട് പരാതി അറിയിക്കാൻ പ്രത്യേക സംഘത്തെ ചുമതലപ്പെടുത്തി.

തിരുവനന്തപുരം: സർക്കാർ അഭിഭാഷകരുടെ വിവാദ നിയമനങ്ങളിൽ നടപടികൾ കടുപ്പിക്കാൻ ലോയേഴ്സ് കോൺ​ഗ്രസ്. മുഖ്യമന്ത്രി വിഡി സതീശനെ കണ്ട് നേരിട്ട് പരാതി അറിയിക്കാൻ പ്രത്യേക സംഘത്തെ ചുമതലപ്പെടുത്തി. ഇനിയുള്ള ലിസ്റ്റിൽ കൂടുതൽ പരിഗണന വേണമെന്ന് ആവശ്യപ്പെടും. ലിസ്റ്റിൽ ഇനിയും ഇതര പാർട്ടിക്കാരെ തിരുകി കയറ്റിയാൽ പ്രത്യക്ഷ പ്രതിഷേധം നടത്താനാണ് തീരുമാനം. ലോയേഴ്സ് കോൺഗ്രസ് ഓൺലൈൻ മീറ്റിംഗ് തുടരുകയാണ്.

നിയമനങ്ങൾ വിവാദമായതോടെ ഇന്ത്യൻ ലോയേഴ്‌സ് കോൺഗ്രസ്സിൽ പൊട്ടിത്തെറിയാണ്. നിയമനങ്ങളിലെ കൃത്രിമത്വം പുന:പരിശോധിക്കാൻ ജനറൽ ബോഡി വിളിച്ച് ചേർക്കാൻ ആവശ്യവുമായി ഒരു വിഭാഗം രംഗത്തെത്തിയിരുന്നു. അഭിഭാഷകരായി മറ്റ് പാർട്ടിക്കാരെ നിയമിച്ചത് മുഖ്യമന്ത്രിയുടെ ഓഫീസിനെ പുകമറയിലാക്കിയാണെന്ന് ഇന്ത്യൻ ലോയേഴ്‌സ് കോൺഗ്രസ്സ് കുറ്റപ്പെടുത്തി. ഇത്തരം നിയമനങ്ങൾക്ക് പിന്നിൽ പാർട്ടിയിലെ തന്നെ ചില നിക്ഷിപ്ത താല്പര്യക്കാരാണെന്നും ഇന്ത്യൻ ലോയേഴ്സ് കോൺഗ്രസിന്റെ ഔദ്യോഗിക വാട്സ്അപ്പ്ഗ്രൂപ്പിൽ നടന്ന ചർച്ചയിൽ ആരോപിക്കുന്നു.