മലപ്പുറം മതേതരവാദികളുടെ പറുദീസ; മലപ്പുറത്തിന്റെ രാഷ്ട്രീയം എല്ലാം നിറങ്ങളും ചേർന്നതെന്ന് കെ ടി ജലീൽ

മലപ്പുറം മതേതരവാദികളുടെ പറുദീസയാണെന്ന് കെടി ജലീൽ. മലപ്പുറത്തിന്റെ രാഷ്ട്രീയം എല്ലാം നിറങ്ങളും ചേർന്നതാണെന്നും 2006ൽ ചെങ്കൊടി പാറിയ മണ്ണാണ് മലപ്പുറം എന്നും കെ ടി ജലീൽ ഫേസ്ബുക്കിൽ കുറിച്ചു.

മലപ്പുറം: മലപ്പുറം മതേതരവാദികളുടെ പറുദീസയാണെന്ന് കെടി ജലീൽ. മലപ്പുറത്തിന്റെ രാഷ്ട്രീയം എല്ലാം നിറങ്ങളും ചേർന്നതാണെന്നും 2006ൽ ചെങ്കൊടി പാറിയ മണ്ണാണ് മലപ്പുറം എന്നും കെ ടി ജലീൽ ഫേസ്ബുക്കിൽ കുറിച്ചു. സിപിഎം മുൻ എംഎൽഎ പി നന്ദകുമാറിന്റെ വിദ്വേഷ പരാമർശത്തിന് പിന്നാലെയാണ് പ്രതികരണം. അതേസമയം, മലപ്പുറത്തിനെതിരെയുള്ള വിദ്വേഷ പരാമർശത്തിൽ പ്രതികരണവുമായി പൊന്നാനി എംഎൽഎ കെപി നൗഷാദലിയും രം​ഗത്തെത്തി. സംഘപരിവാരത്തിന് കേരള സ്റ്റോറി പോലെ മലപ്പുറം സ്റ്റോറിയുണ്ടാക്കാൻ സിപിഎം ത്രഡും, സ്പാർക്കും സംഭാവന ചെയ്യുന്നു. വിദ്വേഷ പരാമർശം സിപിഎമ്മിന്റെ വീഴ്ചയല്ല, ഉള്ളിലിരിപ്പിന്റെ ബഹിർപുരണമാണെന്നും നൗഷാദലി ഏഷ്യാനെറ്റ് ന്യൂസിനോട് പറഞ്ഞു.