എഴുപത് അടിയോളം ഉയരത്തിലുള്ള മരത്തില് കയറി, ഷർട്ട് മരക്കൊമ്പിൽ കുരുങ്ങിയതോടെ 56 കാരൻ കുടുങ്ങി; രക്ഷകരായി അഗ്നിരക്ഷാ സേന
Synopsis
തൂങ്ങിനിന്ന അഹമ്മദിനെ കയര് ഉപയോഗിച്ച് മുകളില് കെട്ടിവെച്ചാണ് രക്ഷാപ്രവര്ത്തനം നടത്തിയത്
മലപ്പുറം: മരത്തില് കയറി തിരികെ ഇറങ്ങാന് കഴിയാതെ കുടുങ്ങിയ 56 കാരനെ രക്ഷിച്ച് അഗ്നിരക്ഷാ സേന. കിഴിശേരി സ്വദേശി അഹമ്മദാണ് മരം മുറിക്കാനായി എഴുപത് അടിയോളം ഉയരത്തില് കയറിയത്. തിരികെ ഇറങ്ങുന്നതിനിടെ ഷര്ട്ട് മരക്കൊമ്പില് കൊളുത്തി മരത്തിനു മുകളില് കുടുങ്ങിയതോടെ നാട്ടുകാര് മഞ്ചേരി അഗ്നിരക്ഷാ സേനയെ അറിയിക്കുകയായിരുന്നു.
തുടര്ന്ന് ഫയര് ആന്ഡ് റെസ്ക്യൂ ഓഫീസര് കെ കെ പ്രജിത്തും നാട്ടുകാരനായ മരംവെട്ട് തൊഴിലാളിയായ സുഭാഷും മരത്തില് കയറി. തൂങ്ങിനിന്ന അഹമ്മദിനെ കയര് ഉപയോഗിച്ച് മുകളില് കെട്ടിവയ്ക്കുകയും റെസ്ക്യൂ നെറ്റില് കയറ്റിയതിന് ശേഷം കയര് അറുത്തുമാറ്റി മറ്റ് സേനാംഗങ്ങളുടെ സഹായത്തോടെ താഴെ ഇറക്കുകയുമായിരുന്നു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam