ഇന്സ്റ്റഗ്രാം ചാറ്റിലൂടെ പരിചയം, ഒമ്പതാം ക്ലാസ്സുകാരിയെ പീഡിപ്പിച്ചു; യുവാവിന് 30 വര്ഷം കഠിന തടവും 5.75 ലക്ഷം പിഴയും
Synopsis
പെണ്കുട്ടിയുടെ മാതാവിനെ ഉറക്ക ഗുളികകള് നല്കി മയക്കിയ ശേഷമായിരുന്നു പ്രതിയുടെ ലൈംഗികാതിക്രമം.
തിരുവനന്തപുരം: ഇന്സ്റ്റഗ്രാം ചാറ്റിലൂടെ പരിചയപ്പെട്ട ഒമ്പതാം ക്ലാസ്സുകാരിയെ വീട്ടില് കയറി പീഡിപ്പിച്ച യുവാവിന് 30 വര്ഷം കഠിന തടവും 5.75 ലക്ഷം രൂപ പിഴയും വിധിച്ച് കോടതി. ചിറയിന്കീഴ് ശാര്ക്കര സ്വദേശി സുജിത്തിനെയാണ് (26) ആറ്റിങ്ങല് അതിവേഗ സ്പെഷല് കോടതി ശിക്ഷിച്ചത്. പെണ്കുട്ടിയുടെ മാതാവിനെ ഉറക്ക ഗുളികകള് നല്കി മയക്കിയ ശേഷമായിരുന്നു പ്രതിയുടെ ലൈംഗികാതിക്രമം.
പീഡനത്തിനു ശേഷം വിവാഹ വാഗ്ദാനം നല്കി വര്ക്കലയിലെ റിസോര്ട്ടില് കൊണ്ടുപോയും നിരവധി തവണ പ്രതി പെണ്കുട്ടിയെ പീഡിപ്പിച്ചു. വിദ്യാര്ഥിനിയുടെ ഫോണ് ബന്ധു പരിശോധിച്ചതോടെയാണ് സംഭവം പുറത്തറിയുന്നത്. തുടര്ന്ന് ബന്ധുക്കള് ചിറയിന്കീഴ് പൊലീസ് സ്റ്റേഷനില് പരാതി നല്കുകയായിരുന്നു. പിഴയായി ഈടാക്കുന്ന 5.75 ലക്ഷം രൂപ അതിജീവിതയ്ക്ക് നല്കാനും പിഴ ഒടുക്കിയില്ലെങ്കില് പ്രതി 23 മാസം അധിക തടവ് അനുഭവിക്കണമെന്നും വിധി ന്യായത്തില് പറയുന്നു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam