തലയ്ക്ക് പരിക്കേറ്റതിനാൽ സംസാരിക്കാൻ സാധിക്കുന്നില്ല, ട്രെയിനിൽ നിന്ന് വീണ ഇതര സംസ്ഥാന തൊഴിലാളിക്ക് ഗുരുതര പരിക്ക്

പാലക്കാട് പട്ടാമ്പിയിൽ യാത്രക്കിടെ ഇതര സംസ്ഥാന തൊഴിലാളി ട്രെയിനിൽ നിന്ന് വീണു

പാലക്കാട്: പാലക്കാട് പട്ടാമ്പിയിൽ യാത്രക്കിടെ ഇതര സംസ്ഥാന തൊഴിലാളി ട്രെയിനിൽ നിന്ന് വീണു. പള്ളിപ്പുറം - പട്ടാമ്പി സ്റ്റേഷനുകൾക്ക് ഇടയിലെ ഉരുളാൻപടി എന്ന സ്ഥലത്ത് വെച്ചാണ് തൊഴിലാളി തെറിച്ചുവീണത്. ട്രോമ കെയർ പ്രവർത്തകരുടെ നേതൃത്വത്തിൽ പട്ടാമ്പി താലൂക്ക് ആശുപത്രിയിൽ എത്തിച്ച് ചികിത്സ നൽകി. തുടർന്ന് തൃശൂർ മെഡിക്കൽ കോളേജിലേക്ക് മാറ്റി. തലക്ക് ഗുരുതരമായി പരിക്കേറ്റതിനാൽ യുവാവിന് സംസാരിക്കാൻ സാധിക്കുന്നില്ല. ഐഡി കാർഡ് ഉൾപ്പെടെ വ്യക്തി വിവരങ്ങൾ ഒന്നും ലഭിക്കാതിരുന്നതിനാൽ വ്യക്തിയെ തിരിച്ചറിയാനോ കുടുംബത്തെ അറിയിക്കാനോ സാധിച്ചിട്ടില്ല. അപകട സമയം യുവാവ് മദ്യപിച്ച അവസ്ഥയിൽ ആയിരുന്നു. ഇന്നലെ വൈകീട്ട് ആറ് മണിക്ക് ആയിരുന്നു അപകടം.