പെണ്സുഹൃത്തിനൊപ്പം ബൈക്കിൽ സഞ്ചരിച്ചതിന് യുവാവിനെ തല്ലി ചതച്ചു; പാലക്കാട് സദാചാര ആക്രമണം, 2 പേർ അറസ്റ്റിൽ
Synopsis
കപ്പൂർ വട്ടക്കുന്ന് കോളനിയിലെ കള്ളിത്തൊടി വീട്ടിൽ സംഗീത് (42) , കിഴക്കേകാട്ടിൽ വീട്ടിൽ ശിവൻ (47) എന്നിവരാണ് പിടിയിലായത്
പാലക്കാട്: പാലക്കാട് ചാലിശേരിയിൽ യുവാവിനുനേരെ സദാചാര ആക്രമണം. ചാലിശേരി കപ്പൂര് വട്ടക്കുന്നിൽ പെണ്സുഹൃത്തിനൊപ്പം ബൈക്കിൽ സഞ്ചരിച്ചതിന് യുവാവിനെ ക്രൂരമായി മര്ദിച്ചതായാണ് പരാതി. സംഭവത്തിൽ രണ്ടുപേര് അറസ്റ്റിലായി. ചാലിശേരി പൊലീസ് കേസെടുത്ത് അന്വേഷണം ആരംഭിച്ചു.
കപ്പൂർ വട്ടക്കുന്ന് കോളനിയിലെ കള്ളിത്തൊടി വീട്ടിൽ സംഗീത് (42) , കിഴക്കേകാട്ടിൽ വീട്ടിൽ ശിവൻ (47) എന്നിവരാണ് പിടിയിലായത്. മർദ്ദനത്തിൽ യുവാവിന്റെ വാരിയെല്ലിന് ക്ഷതമേറ്റു. ശരീരമാസകലം പരുക്കേറ്റിട്ടുണ്ട്. കഴിഞ്ഞ ദിവസം ബൈക്കിൽ യുവതിയെ വട്ടക്കുന്നിലെ വീട്ടിൽ കൊണ്ടുവന്നിറക്കിയത് കണ്ട പ്രതികൾ യുവാവിനെ ചോദ്യം ചെയ്യുകയും ക്രൂരമായി മർദ്ദിക്കുകയുമായിരുന്നുവെന്നാണ് എഫ്ഐആര്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam