ക്രൈംബ്രാഞ്ചിലും സ്പെഷ്യൽ ബ്രാഞ്ചിലുമുള്ള പ്രവേശന പരീക്ഷ അട്ടിമറിക്കാൻ നീക്കം; പരീക്ഷ നടത്താതെ മേധാവി സ്ഥലമാറ്റ ഉത്തരവിറക്കി

ക്രൈംബ്രാഞ്ചിലും സ്പെഷ്യൽ ബ്രാഞ്ചിലും നിയമനത്തിനുള്ള പൊലീസിലെ അഭിരുചി പരീക്ഷ അട്ടിമറിക്കാൻ നീക്കം. പരീക്ഷ നടത്താതെ ക്രൈംബ്രാഞ്ച് മേധാവി സ്ഥലമാറ്റ ഉത്തരവിറക്കി. ഐജിമാരും എസ്പിമാരും പ്രതിഷേധവുമായി രം​ഗത്തെത്തി. സമ്മർദ്ദം മറികടന്ന് പരീക്ഷ നടത്തിയത് വിജിലൻസിൽ മാത്രമാണ്.

തിരുവനന്തപുരം: ക്രൈംബ്രാഞ്ചിലും സ്പെഷ്യൽ ബ്രാഞ്ചിലും നിയമനത്തിനുള്ള പൊലീസിലെ അഭിരുചി പരീക്ഷ അട്ടിമറിക്കാൻ നീക്കം. പരീക്ഷ നടത്താതെ ക്രൈംബ്രാഞ്ച് മേധാവി സ്ഥലമാറ്റ ഉത്തരവിറക്കി. ഭരണാനൂലികളായ പൊലിസുകാരെ തിരുകി കയറ്റാനെന്നാണ് ആക്ഷേപം. തുടർന്ന് ഐജിമാരും എസ്പിമാരും പ്രതിഷേധവുമായി രം​ഗത്തെത്തി. സമ്മർദ്ദം മറികടന്ന് പരീക്ഷ നടത്തിയത് വിജിലൻസിൽ മാത്രമാണ്.

ക്രൈംബ്രാഞ്ചിലേക്കും സ്പെഷ്യൽ ബ്രാഞ്ചിലേക്കും അന്വേഷണ മികവുള്ള ഉദ്യോ​ഗസ്ഥരെ തെരഞ്ഞെടുക്കാനാണ് പ്രവേശന പരീക്ഷ ഏഴ് വർഷമായി നടത്തുന്നത്. എന്നാൽ, പരീക്ഷ നടത്താതെ ക്രൈംബ്രാഞ്ച് മേധാവി സ്ഥലമാറ്റ ഉത്തരവിറക്കുകയായിരുന്നു. ഭരണാനുകൂലികളായ പൊലിസുകാരെ തിരുകി കയറ്റാനെന്നാണ് ആരോപണം. തുടർന്ന് ഐജിമാരും എസ്പിമാരും പ്രതിഷേധവുമായി രം​ഗത്തെത്തി. ഇൻ്റലിജൻസിലും പരീക്ഷ നടത്തിയിട്ടില്ല. 30ന് നടത്താൻ ആണ് മേധാവിയുടെ തീരുമാനം. എന്നാൽ, പരീക്ഷ മാറ്റിവെക്കണമെന്ന് ആവശ്യപ്പെട്ട് സമ്മർദമുണ്ട്. സമ്മർദം മറികടന്ന് പരീക്ഷ നടത്തിയത് വിജിലൻസിൽ മാത്രമാണ്.