കേരളത്തിലേക്കുള്ള ടൂറിസ്റ്റുകളുടെ വരവ്: റെക്കോര്‍ഡ് വര്‍ദ്ധനവെന്ന് മുഹമ്മദ് റിയാസ്

'2021നെ അപേക്ഷിച്ച് 2022ല്‍, സന്ദര്‍ശകരുടെ വരവില്‍ ഇരട്ടിയിലധികം വര്‍ദ്ധനവാണ് ഉണ്ടായിട്ടുള്ളത്. 2022നെ അപേക്ഷിച്ച് 17% വര്‍ദ്ധനവോടെ 2023 ട്രെന്‍ഡ് തുടര്‍ന്നു.'

തിരുവനന്തപുരം: സംസ്ഥാനത്തെ ടൂറിസ്റ്റുകളുടെ വരവില്‍ റെക്കോര്‍ഡ് വര്‍ദ്ധനവാണ് ഉണ്ടായിട്ടുള്ളതെന്ന് മന്ത്രി മുഹമ്മദ് റിയാസ്. കൊവിഡിന് മുമ്പുള്ള കണക്കുകളെ മറികടന്ന് 2023ല്‍, 2.25 കോടിയിലധികം വിനോദസഞ്ചാരികളുടെ വരവാണ് രേഖപ്പെടുത്തിയിട്ടുള്ളതെന്ന് മന്ത്രി അറിയിച്ചു. 

മുഹമ്മദ് റിയാസ് പറഞ്ഞത്: 'മഹാമാരിയുടെ കാലത്തെ വെല്ലുവിളികള്‍ക്കു ശേഷം അസാധാരണമായ തിരിച്ചുവരവ് നടത്തി കേരളം. കണക്കുകള്‍ പ്രകാരം കേരളത്തില്‍ ടൂറിസ്റ്റുകളുടെ വരവില്‍ റെക്കോര്‍ഡ് വര്‍ദ്ധനവാണ് ഉണ്ടായിട്ടുള്ളത്. കൊവിഡിന് മുമ്പുള്ള കണക്കുകളെ മറികടന്ന് 2023ല്‍, 2.25 കോടിയിലധികം വിനോദസഞ്ചാരികളുടെ വരവാണ് രേഖപ്പെടുത്തിയിട്ടുള്ളത്. 2021നെ അപേക്ഷിച്ച് 2022ല്‍, സന്ദര്‍ശകരുടെ വരവില്‍ ഇരട്ടിയിലധികം വര്‍ദ്ധനവാണ് ഉണ്ടായിട്ടുള്ളത്. 2022നെ അപേക്ഷിച്ച് 17% വര്‍ദ്ധനവോടെ 2023 ട്രെന്‍ഡ് തുടര്‍ന്നു. ഈ കണക്കുകള്‍ കേരളത്തിന്റെ അഭിവൃദ്ധി പ്രാപിക്കുന്ന ടൂറിസം വ്യവസായത്തിന്റെ യഥാര്‍ത്ഥ കഥ പറയുന്നു.'