'അറസ്റ്റ് യാദൃശ്ചികമല്ല, രാജ്യത്ത് അപക‍ടസ്ഥിതി, സഭാനേതൃത്വം പുനർവിചിന്തനം നടത്തണം': എംവി ​ഗോവിന്ദൻ

ഛത്തീസ്​ഗഡിൽ കന്യാസ്ത്രീകളെ അറസ്റ്റ് ചെയ്ത സംഭവം യാദൃശ്ചികമായ ഒന്നല്ലെന്ന് സിപിഎം സംസ്ഥാന സെക്രട്ടറി എംവി ​ഗോവിന്ദൻ.

തിരുവനന്തപുരം: ഛത്തീസ്​ഗഡിൽ കന്യാസ്ത്രീകളെ അറസ്റ്റ് ചെയ്ത സംഭവം യാദൃശ്ചികമായ ഒന്നല്ലെന്ന് സിപിഎം സംസ്ഥാന സെക്രട്ടറി എംവി ​ഗോവിന്ദൻ. രാജ്യത്ത് അപകടകരമായ സ്ഥിതിയാണെന്നും എംവി ​ഗോവിന്ദൻ കൂട്ടിച്ചേർത്തു. വിചാരധാരയിൽ മുസ്ലീങ്ങളേയും ക്രിസ്ത്യാനികളേയും കമ്മ്യൂണിസ്റ്റുകാരേയും ശത്രുക്കളായി കാണുന്നു. നെറികെട്ട രീതിയിൽ കന്യാസ്ത്രീകൾക്കെതിരെ കള്ള പ്രചരണം കേന്ദ്ര സർക്കാർ നടത്തുന്നു. ആരേയും രാജ്യദ്രോഹിയാക്കാൻ നീക്കം നടക്കുന്നുവെന്നും എംവി ​ഗോവിന്ദൻ രൂക്ഷഭാഷയിൽ കുറ്റപ്പെടുത്തി. സംഘപരിവാറുമായി ചർച്ച നടത്തിയ സഭ നേതൃത്വം പുനർചിന്തനം നടത്തണം. സഭയുടെ വിശ്വാസം സഭയെ രക്ഷിക്കട്ടെയെന്ന് പറഞ്ഞ എംവി ​ഗോവിന്ദൻ ബിജെപി പ്രതിനിധികളെ അയച്ചത് കണ്ണിൽ പൊടിയിടാനാണെന്നും വിമർശിച്ചു.