നെടുങ്കണ്ടം കസ്റ്റഡി കൊലപാതകം; കേസ് സിബിഐ ഏറ്റെടുത്തു
Synopsis
സിബിഐ തിരുവനന്തപുരം യൂണിറ്റിനാണ് അന്വേഷണ ചുമതല. ആറ് പൊലീസുദ്യോഗസ്ഥര്ക്കെതിരെ കൊച്ചി സിജെഎം കോടതിയില് സിബിഐ എഫ്ഐആര് സമര്പ്പിച്ചു.
തിരുവനന്തപുരം: നെടുങ്കണ്ടം രാജ്കുമാര് കസ്റ്റഡി കൊലപാതക കേസ് സിബിഐ ഏറ്റെടുത്തു. സിബിഐ തിരുവനന്തപുരം യൂണിറ്റിനാണ് അന്വേഷണ ചുമതല. ആറ് പൊലീസുദ്യോഗസ്ഥര്ക്കെതിരെ കൊച്ചി സിജെഎം കോടതിയില് സിബിഐ എഫ്ഐആര് സമര്പ്പിച്ചു.
സാമ്പത്തിക തട്ടിപ്പ് കേസില് റിമാന്ഡിലായിരുന്ന വാഗമണ് കോലാഹലമേട് സ്വദേശി രാജ്കുമാര് 2019 ജൂണ് 21നാണ് പീരുമേട് സബ് ജയിലില് വച്ച് മരിച്ചത്. കസ്റ്റഡി മര്ദ്ദനത്തെത്തുടര്ന്നാണ് രാജ്കുമാര് മരിച്ചതെന്ന ബന്ധുക്കളുടെ ആരോപണം ശരിവയ്ക്കുന്നതായിരുന്നു പിന്നാലെ വന്ന പോസ്റ്റ്മോര്ട്ടം റിപ്പോര്ട്ട്. രാജ്കുമാറിന്റെ ബന്ധുക്കളുടെ ആവശ്യപ്രകാരമാണ് ലോക്കല് പൊലീസും പിന്നീട് ക്രൈംബ്രാഞ്ചും അന്വേഷിച്ച കേസ് സിബിഐക്ക് കൈമാറാന് സര്ക്കാര് തീരുമാനിച്ചത്.
2019 ഓഗസ്റ്റ് 14നാണ് കേസ് അന്വേഷണം സിബിഐക്ക് കൈമാറാന് സര്ക്കാര് തീരുമാനം വന്നത്. പൊലീസുകാര് പ്രതികളായ കേസ് എന്ന നിലയിലായിരുന്നു തീരുമാനം.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam