
തിരുവനന്തപുരം: സംസ്ഥാനത്ത് മദ്യത്തിന്റെ പുതുക്കിയ വില ഇന്ന് മുതൽ നിലവിൽ വരും. വിതരണക്കാര് ബെവ്കോക്ക് നല്കുന്ന മദ്യത്തിന്റെ അടിസ്ഥാന വിലയില് 7 ശതമാനമാണ് വര്ദ്ധന. ഏറ്റവും വില കുറഞ്ഞതും വന് വില്പ്പനയുമുള്ള ജവാന് റം ഫുള് ബോട്ടിലിന് 420 രൂപയുണ്ടായിരുന്നത് 450 ആയി.
ബിയറും വൈനുമൊഴികെ എല്ലാ മദ്യത്തിനും വിലവര്ദ്ധനയുണ്ട്. വിഎസ്ഒപി ബ്രാന്ഡി 900 രൂപയുണ്ടായിരുന്നത് 960 ആക്കി ഉയര്ത്തിയപ്പോള് 950 രൂപയുടെ 1 ലിറ്റര് ബോട്ടിലിന് ഇനി 1020 രൂപ നല്കണം. ഒന്നര ലിറ്ററിന്റേയും രണ്ടേകാല് ലിറ്ററിന്റേയും ബ്രാന്ഡി ഉടന് വില്പ്പനക്കത്തും. ഒന്നര ലിറ്ററിന് 1270 രൂപയും രണ്ടേകാല് ലിറ്ററിന് 2570 രൂപയുമാണ് വില.
മദ്യത്തിന് 40 രൂപ വില കൂടുമ്പോള് സര്ക്കാരിന് 35 രൂപയും ബെവ്കോക്ക് 1 രൂപയും കമ്പനിക്ക് 4 രൂപയുമാണ് കിട്ടുന്നത്. വില വര്ദ്ധനയുടെ പശ്ചാത്തലത്തില് സര്ക്കാരിന് വര്ഷം 1000 കോടിയുടെ അധിക വരുമാനം ലഭിക്കുമെന്നാണ് വിലയിരുത്തല്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam