Kseb Strike :സമരക്കാരുമായി മന്ത്രി ചർച്ച നടത്തില്ല; ബോർഡിനെ ചുമതലപ്പെടുത്തി; ചെയർമാനുമായി ചർച്ച നടത്തി മന്ത്രി
Synopsis
ചെയർമാനെ മാറ്റണമെന്ന് ആവശ്യപ്പെടാൻ ജീവനക്കാർക്ക് അവകാശമില്ല. എല്ലാവരും യോജിച്ച് പോകണമെന്നും വൈദ്യുതി മന്ത്രി കെ ക്യഷ്ണൻകുട്ടി പറഞ്ഞു
തിരുവനന്തപുരം: കെ എസ് ഇ ബി(kseb) ചെയർമാനെതിരെ(chairman) സമരം ചെയ്യുന്ന ഭരണാനുകൂല സംഘടനയായ ഓഫീസേഴ്സ് അസോസിയേഷനുമായി (officers association)ചർച്ച നടത്തില്ലെന്ന് വൈദ്യുതി മന്ത്രി കെ.കൃഷ്ണൻകുട്ടി(k krishnankuttty). സമരക്കാരുമായി ചർച്ച നടത്തേണ്ടത് ബോർഡാണ്. അതിന് നിർദേശം നൽകിയിട്ടുണ്ടെന്നും മന്ത്രി കെ കൃഷ്ണൻകുട്ടി പറഞ്ഞു. അതേസമയം കെ എസ് ഇ ബി ചെയർമാൻ ബി അശോകുമായി വൈദ്യുതി മന്ത്രി കെ ക്യഷ്ണൻകുട്ടിയുമായി ചർച്ച നടത്തുകയും ചെയ്തു.
ചെയർമാനെ മാറ്റണമെന്ന് ആവശ്യപ്പെടാൻ ജീവനക്കാർക്ക് അവകാശമില്ല. എല്ലാവരും യോജിച്ച് പോകണമെന്നും വൈദ്യുതി മന്ത്രി കെ ക്യഷ്ണൻകുട്ടി പറഞ്ഞു. സമരം ചെയ്യുന്ന സംഘടനാ നേതാക്കളുമായി ഇന്ന് ചർച്ച ഉണ്ടാകുമെന്നാണ് ആദ്യം കരുതിയത്.
ഓഫീസേഴ്സ് അസോസിയേഷന്റെ ആഭിമുഖ്യത്തില് വൈദ്യുതി ഭവന് മുന്നില് അനിശ്ചിതകാല സത്യഗ്രഹവും നിസ്സഹരണ സമരവും തുടരുകയാണ് . സംഘടന ഭാരവാഹികളുടെ സസ്പെന്ഷന് പിന്വിലക്കുക, ചെയർമാന്റെ ഏകാധിപത്യ നടപടികള് അവസാനിപ്പിക്കുക തുടങ്ങിയ ആവശ്യങ്ങള് ഉന്നയിച്ചാണ് സത്യഗ്രഹ സമരം തുടരുന്നത്. ചെയര്മാന്റെ സമീപനം തിരുത്തിയില്ലെങ്കില് ചട്ടപ്പടി സമരത്തിലേക്ക് നീങ്ങേണ്ടി വരുമെന്ന മുന്നറിയിപ്പും ഓഫീസേഴ്സ് അസോസിയേഷന് നല്കിയിട്ടുണ്ട്
കെഎസ്ഇബി തര്ക്കം, ചെയര്മാന് പിന്തുണയുമായി ഐഎഎസ് അസോസിയേഷന്, മുഖ്യമന്ത്രിക്ക് കത്ത്
തിരുവനന്തപുരം: കെഎസിഇബി (KSEB) തർത്തക്കത്തിൽ ചെയർമാന് പിന്തുണയുമായി ഐഎഎസ് അസോസിയേഷൻ (IAS Association) മുഖ്യമന്ത്രിക്ക് കത്തുനല്കി. തൊഴിലാളി സംഘടനകള് ഉദ്യോഗസ്ഥരുടെ മനോവീര്യം തകര്ക്കുന്നു. മികച്ച രീതിയിൽ പ്രവർത്തിക്കാനുള്ള സാഹചര്യം മുഖ്യമന്ത്രി ഒരുക്കണമെന്നും കത്തില് പറയുന്നു.
ചെയർമാനെതിരെ വൈദ്യുതി ഭവന് മുന്നില് കെഎസ്ഇബി ഓഫിസേഴ്സ് അസോസിയേഷന്റെ ആഭിമുഖ്യത്തില് അനിശ്ചിതകാല സത്യാഗ്രഹവും നിസ്സഹകരണ സമരവും തുടരുകയാണ്. ഐഎഎസ് അസോസിയേഷന് മുഖ്യമന്ത്രിക്ക് കത്തുനല്കിയത്. ചെയര്മാന്റെ പ്രതികാര നടപടികളും സ്ത്രീ വിരുദ്ധ പരമാര്ശങ്ങളും പിന്വലിക്കണം എന്നാവശ്യപ്പെട്ടാണ് ഓഫിസേഴ്സ് അസോസിയേഷന്റെ പ്രതിഷേധം.
ഓഫീസേഴ്സ് അസോസിയേഷന് ഭാരവാഹികളായ എം ജി സുരേഷ്കുമാര്, ബി ഹരികുമാര്, ജാസ്മിന് ബാനു എന്നിവരുടെ സസ്പെന്ഷന് പിന്വലിക്കണമെന്നും പ്രതിഷേധക്കാര് ആവശ്യപ്പെടുന്നു. ഇതോടൊപ്പം പൊതുജനങ്ങള്ക്ക് ബുദ്ധിമുട്ടുണ്ടാകാത്ത രീതിയില് നിസ്സഹകരണ സമരവും ഓഫീസേഴ്സ് അസോസിയേഷന് പ്രഖ്യാപിച്ചിട്ടുണ്ട്. അനധികൃതമായി അവധിയെടുത്തെന്ന് ആരോപിച്ചാണ് ദേശീയ പണിമുടക്കിന്റെ ഒന്നാം ദിവസം തന്നെ ജാസ്മിന് ബാനുവിനെ സസ്പെന്റ് ചെയ്തത്. ഡയസ്നോണ് ഉത്തരവ് തള്ളിയതിനും ചെയര്മാനെതിര ദുഷ്പ്രചരണം നടത്തിയതിനുമാണ് സംഘടന ഭാരവാഹികളെ സംസ്പന്ഡ് ചെയ്തത്. എന്നാല് ചട്ടപ്രകാരമുള്ള നടപടികള് മാത്രമാണ് സ്വീകരിച്ചതെന്ന നിലപാടിലാണ് ചെയര്മാന് ബി അശോക്. വൈദ്യുതി മന്ത്രിയും ചെയര്മാനെ പിന്തുണയ്ക്കുന്നു.
പ്രശ്നത്തില് ഇടപെട്ട സിപിഎം, വൈദ്യുതിമന്ത്രിയുമായി ചര്ച്ച നടത്താന് മുന്മന്ത്രി എ കെ ബാലനെ നിയോഗിച്ചു. സമരം നീണ്ടുപോകുന്നത് കെഎസ്ഇബിയുടെ സേവനങ്ങളെ ബാധിച്ചേക്കാമെന്ന ആശങ്ക ശക്തമായതടെയാണ് സിപിഎം ഇടപെട്ടത്
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam