മൂവാറ്റുപുഴ സർക്കാർ ആശുപത്രിയിലെ നഴ്സ് കൊവിഡ് ബാധിച്ച് മരിച്ചു

എറണാകുളത്തെ സ്വകാര്യ ആശുപത്രിയിൽ ചികിത്സയിലായിരുന്ന സുലോചനയെ ആരോ​ഗ്യനില മോശമായതിനെ തുടർന്ന്  വെൻ്റിലേറ്ററിൽ പ്രവേശിപ്പിച്ചിരുന്നു.

കൊച്ചി: സർക്കാർ ആശുപത്രിയിലെ നഴ്സ് കൊവിഡ് ബാധിച്ച് മരിച്ചു. മൂവാറ്റുപുഴ ​ഗവ. ആശുപത്രിയിലെ നഴ്സായിരുന്ന എറണാകുളം മലയിടം തുരുത്ത് സ്വദേശി സുലോചന പി.സിയാണ് മരിച്ചത്. 52 വയസുകാരിയായ സുലോചന  പ്രമേഹ രോഗിയായിരുന്നു. ഒരാഴ്ച മുൻപാണ് ഇവർക്ക് കൊവിഡ് സ്ഥിരീകരിച്ചത്. എറണാകുളത്തെ സ്വകാര്യ ആശുപത്രിയിൽ ചികിത്സയിലായിരുന്ന സുലോചനയെ ആരോ​ഗ്യനില മോശമായതിനെ തുടർന്ന്  വെൻ്റിലേറ്ററിൽ പ്രവേശിപ്പിച്ചിരുന്നു. ജീവൻ രക്ഷിക്കാനുള്ള ശ്രമം തുടരുന്നതിനിടെയാണ് മരണം സംഭവിച്ചത്.