എൽസിക്കും മക്കൾക്കുമായി പ്രാർത്ഥനയോടെ കുടുംബവും നാടും; കാറിന് തീപിടിച്ച് പൊള്ളലേറ്റ അമ്മയും മക്കളും ഗുരുതരാവസ്ഥയിൽ; ഐസിയുവിൽ ചികിത്സ
Synopsis
കാറിന് തീപിടിച്ചുണ്ടായ അപകടത്തില് പരിക്കേറ്റ അമ്മയുടെയും കുട്ടികളുടെയും ആരോഗ്യനില അതീവ ഗുരുതരമായി തുടരുന്നു
പാലക്കാട്: പൊല്പ്പുളളിയില് കാറിന് തീപിടിച്ചുണ്ടായ അപകടത്തില് പരിക്കേറ്റ അമ്മയുടെയും കുട്ടികളുടെയും ആരോഗ്യനില അതീവ ഗുരുതരമായി തുടരുന്നു. ഇന്നലെ രാത്രി ഒമ്പതു മണിയോടെയാണ് പരിക്കേറ്റ ആറു വയസുകാരന് ആല്ഫ്രഡ്, മൂന്നു വയസുകാരി എമില് എന്നിവരെയും കുട്ടികളുടെ അമ്മ എല്സിയെയും കൊച്ചി മെഡിക്കല് സെന്റര് ആശുപത്രിയില് പ്രവേശിപ്പിച്ചത്.
ബേണ് ഐസിയുവില് വിദഗ്ധ ചികില്സയിലാണ് മൂവരും. ചികിത്സയും നിരീക്ഷണവും തുടരുകയാണെന്ന് ഡോക്ടര്മാര് അറിയിച്ചു. ഇന്നലെ വൈകിട്ട് അഞ്ച് മണിയോടെയാണ് അപകടം നടന്നത്. മക്കളുമായി വീടിന് പുറത്തു പോകാന് എല്സി കാര് സ്റ്റാര്ട്ട് ചെയ്ത ഉടന് തീപിടിക്കുകയായിരുന്നു. എല്സിയുടെ മൂത്തമകള് പത്തു വയസുകാരി അലീനയ്ക്കും, എല്സിയുടെ അമ്മ ഡെയ്സിക്കും പരിക്കേറ്റിരുന്നു. ഇവര് ഇരുവരും പാലക്കാട്ടെ സ്വകാര്യ ആശുപത്രിയില് ചികിത്സയിലാണ്.