പാസ്പോർട്ടിൽ കൃത്രിമം കാണിച്ചു, കുവൈത്തിൽ നിന്നെത്തിയ യാത്രക്കാരൻ വിമാനത്താവളത്തിൽ പിടിയിൽ

പാസ്പോർട്ടിൽ കൃത്രിമം കാണിച്ചെത്തിയ യാത്രക്കാരൻ നെടുമ്പാശ്ശേരി വിമാനത്താവളത്തിൽ പിടിയിലായി.  കൊല്ലം പള്ളിത്തോട്ടം സ്വദേശി മുഹമ്മദ് അജാസ് അസ്ലാം ആണ് പിടിയിലായത്.

കൊച്ചി: പാസ്പോർട്ടിൽ കൃത്രിമം കാണിച്ചെത്തിയ യാത്രക്കാരൻ വിമാനത്താവളത്തിൽ പിടിയിലായി. നെടുമ്പാശ്ശേരി വിമാനത്താവളം എമി​ഗ്രേഷൻ വിഭാ​ഗം അധികൃതരാണ് ഇയാളെ പിടികൂടിയത്. കൊല്ലം പള്ളിത്തോട്ടം സ്വദേശി മുഹമ്മദ് അജാസ് അസ്ലാം ആണ് പിടിയിലായത്. ഇയാൾ കുവൈത്തിൽ നിന്നുമാണ് എത്തിയത്. മുഹമ്മദ് അജാസിന്റെ പാസ്പോർട്ടിലെ ഇരുപത് പേജുകൾ കീറിയ നിലയിലായിരുന്നു. നെടുമ്പാശ്ശേരി പൊലീസിന് കൈമാറിയ ഇയാളെ കൂടുതൽ അന്വേഷണത്തിനായി ക്രൈംബ്രാഞ്ച് ഏറ്റെടുത്തു.