സ്‌ട്രക്ച്ചർ ബെൽറ്റും ഡോറിന്‍റെ ലോക്കും ഇട്ടില്ല, ആംബുലൻസിൽ നിന്ന് രോഗി റോഡിലേക്ക് തെറിച്ചു വീണു; സംഭവം ഫോർട്ട് കൊച്ചിയിൽ

ഫോർട്ട് കൊച്ചിയിൽ ആംബുലൻസിൽ നിന്ന് രോഗി റോഡിലേക്ക് തെറിച്ചു വീണു. എട്ടാം തീയതിയാണ് അപകടം നടന്നത്

കൊച്ചി: ഫോർട്ട് കൊച്ചിയിൽ ആംബുലൻസിൽ നിന്ന് രോഗി റോഡിലേക്ക് തെറിച്ചു വീണു. എട്ടാം തീയതിയാണ് അപകടം നടന്നത്. അപകടത്തിന്‍റെ ദൃശ്യങ്ങൾ നിലവില്‍ പുറത്ത് വന്നിട്ടുണ്ട്. മട്ടാഞ്ചേരി കരിപ്പാലം സ്വദേശി പി.എ ഹനീഫയാണ് ആംബുലൻസിൽ നിന്ന് വീണത്. സ്‌ട്രക്ച്ചർ ബെൽറ്റും, ഡോറിന്‍റെ ലോക്കും കൃത്യമായി ഇടാത്തതാണ് അപകട കാരണം എന്നാണ് വിവരം. അപകടത്തിൽ ആംബുലൻസ് ഡ്രൈവർക്കെതിരെ പൊലീസ് കേസെടുത്തിട്ടുണ്ട്.