മാവോയിസ്റ്റുകള് മരിച്ചുവീഴേണ്ടവരാണെന്ന നിലപാട് സര്ക്കാറിനില്ലെന്ന് മുഖ്യമന്ത്രി
Synopsis
ആദ്യം വെടി ഉതിര്ത്തത് മാവോ വാദികളാണ്. മുന്കരുതല് സ്വീകരിച്ചതിനാല് പൊലീസിന് ആള് നാശം ഉണ്ടായില്ല.
തിരുവനന്തപുരം: മാവോയിസ്റ്റ് വേട്ടയില് പ്രതികരണവുമായി മുഖ്യമന്ത്രി പിണറായി വിജയന്. ഏതെങ്കിലും തരത്തില് മാവോയിസ്റ്റായാല് മരിച്ച് വീഴേണ്ടവരാണെന്ന നിലപാട് സര്ക്കാരിനില്ലെന്ന് മുഖ്യമന്ത്രി വ്യക്തമാക്കി. ഇന്റലിജന്സ് റിപ്പോര്ട്ടിന്റെ അടിസ്ഥാനത്തില് വടക്കന് കേരളത്തില് ജാഗ്രത ഏര്പ്പെടുത്തിയിരുന്നു. വയനാട്ടില് മാവോയിറ്റ് സംഘത്തിന്റെ ഭാഗത്ത് നിന്ന് ആക്രമണം ഉണ്ടായി.
ആദ്യം വെടി ഉതിര്ത്തത് മാവോ വാദികളാണ്. മുന്കരുതല് സ്വീകരിച്ചതിനാല് പൊലീസിന് ആള് നാശം ഉണ്ടായില്ല. ആയുധധാരികളായ 5 പേര് സംഘത്തില് ഉണ്ടായിരുന്നു. ആത്മരക്ഷാര്ത്ഥം ആണ് പൊലീസ് വെടി ഉതിര്ത്തതെന്നും മുഖ്യമന്ത്രി പറഞ്ഞു. കഴിഞ്ഞ ദിവസമാണ് മാവോയിസ്റ്റുകളുമായി നടന്ന ഏറ്റുമുട്ടലില് മാവോവാദിയായ വേല്മുരുകന് മരിച്ചത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam