പ്ലാൻറ് നവീകരണം പൂർത്തിയായി; ശബരിമലയിൽ അരവണ നിർമ്മാണം തുടങ്ങി; ദിവസം ഒന്നരലക്ഷത്തോളം ടിൻ അരവണ നിർമ്മിക്കും

ഒരുമാസത്തോളം ആണ് പ്ലാൻറ് അടച്ചിട്ടിരുന്നത്. പ്ലാൻറ് നവീകരണം മൂലം അരവണക്ക് ക്ഷാമം ഉണ്ടായത് വിവാദമായിരുന്നു.

പത്തനംതിട്ട: ശബരിമലയിൽ അരവണ നിർമ്മാണം വീണ്ടും തുടങ്ങി. നിലവിൽ ദിവസം ഒന്നരലക്ഷത്തോളം ടിൻ അരവണ നിർമ്മിക്കും. 20ന് ശേഷം ഇത് മൂന്നര ലക്ഷം ടിന്‍ പ്രതിദിനം ഉല്പാദിപ്പിക്കുമെന്ന് ദേവസ്വം ബോർഡ് അറിയിച്ചു. നവീകരണത്തിനായി ഒരു മാസത്തോളം പ്ലാൻറ് അടച്ചിട്ടത് വിവാദമായിരുന്നു. മാസപൂജക്ക് അരവണ ക്ഷാമമുണ്ടായതിൽ ദേവസ്വം മന്ത്രി ബോർഡിനെതിരെ പരസ്യമായി രംഗത്ത് വന്നിരുന്നു