പ്രധാനമന്ത്രിക്ക് താമരപ്പൂക്കള് കൊണ്ട് തുലാഭാരം; ശേഖരിക്കുക 112 കിലോ പൂക്കള്
Synopsis
നാഗര്കോവിലില് നിന്നാണ് തുലാഭാരത്തിനാവശ്യമായ താമരപ്പൂക്കള് ഗുരുവായൂര് ക്ഷേത്രത്തിലേക്കെത്തിക്കുന്നത്.
ഗുരുവായൂര്: ശനിയാഴ്ച്ച ഗുരുവായൂര് ക്ഷേത്രത്തിലെത്തുന്ന പ്രധാനമന്ത്രി നരേന്ദ്രമോദി താമരപ്പൂവുകള് കൊണ്ട് തുലാഭാരം നടത്തും. ഇതിനായി 112 കിലോ താമരപ്പൂക്കള് എത്തിക്കുമെന്നും ഗുരുവായൂര് ദേവസ്വം അധികൃതര് അറിയിച്ചു.
നാഗര്കോവിലില് നിന്നാണ് തുലാഭാരത്തിനാവശ്യമായ താമരപ്പൂക്കള് ഗുരുവായൂര് ക്ഷേത്രത്തിലേക്കെത്തിക്കുന്നത്. 112 കിലോ താമരപ്പൂക്കള് എത്തിക്കാനാണ് നിര്ദേശിച്ചിരിക്കുന്നത്. ഇതില് നിന്ന് ആവശ്യാനുസരണം ഉപയോഗിക്കുമെന്നും ദേവസ്വം ചെയര്മാന് കെ.ബി.മോഹന്ദാസ് അറിയിച്ചു.
2008 ജനുവരിയില് ഗുരുവായൂരില് ക്ഷേത്രദര്ശന്തതിനെത്തിയപ്പോഴും മോദി താമരപ്പൂക്കള് കൊണ്ട് തുലാഭാരം നടത്തിയിരുന്നു. കദളിപ്പഴം കൊണ്ടും തുലാഭാരം ഉണ്ടായിരുന്നു. അന്ന് ഗുജറാത്ത് മുഖ്യമന്ത്രിയായിരുന്നു അദ്ദേഹം.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam