പൊങ്കാലക്കല്ല് മോഷ്ടിച്ചതായുള്ള വ്യാജ പ്രചരണം; മേയറുടെ പരാതിയിൽ പൊലീസ് കേസ്

വീഡിയോയിലെ ഓട്ടോയെയും ഡ്രൈവറെയും പൊലിസ് കസ്റ്റഡിലെടുത്തു.

തിരുവനന്തപുരം : പൊങ്കാല കല്ല് മോഷ്ടിച്ചതായുള്ള വ്യാജ പ്രചരണത്തിൽ മേയറുടെ പരാതിയിൽ മ്യൂസിയം പൊലീസ് കേസെടുത്തു. ലൈഫ് മിഷൻ പദ്ധതിക്കായി ഉപയോഗിക്കേണ്ട കല്ലുകൾ സ്വകാര്യ വ്യക്തികൾ കടത്തിയെന്നായിരുന്നു വീഡിയോ. ഈ വീഡിയോ സന്ദേശം വ്യാജമെന്ന് പൊലിസ് വ്യക്തമാക്കി. വീഡിയോയിലെ ഓട്ടോയെയും ഡ്രൈവറെയും പൊലിസ് കസ്റ്റഡിലെടുത്തു. പൊങ്കാലയ്ക്കായി ഒരു കോൺട്രാക്ടർ റസിഡൻസ് അസോസിയേഷന് ഇഷ്ടിക നൽകിയിരുന്നു. ഇത് തിരിച്ചു കൊണ്ട് ഇറക്കുന്നതിനിടെയിലാണ് വീഡിയോ ഷൂട്ട് ചെയ്ത് പ്രചരിപ്പിച്ചതെന്ന് പൊലിസ് പറഞ്ഞു.