ആംബുലൻസിലെ പീഡനം; 108 ഡ്രൈവര്മാര്ക്ക് പൊലീസ് ക്ലിയറന്സ് നിര്ബന്ധമാക്കി, ഉടൻ ഹാജരാക്കാൻ നിര്ദ്ദേശം
Synopsis
യുവതിക്ക് എല്ലാവിധ ചികിത്സയും സംരക്ഷണവും ഉറപ്പ് വരുത്തുന്നതാണെന്നും മന്ത്രി വ്യക്തമാക്കി.
തിരുവനന്തപുരം: പത്തനംതിട്ടയില് കൊവിഡ് രോഗിയെ ആംബുലന്സില് പീഡിപ്പിച്ച സംഭവത്തില് കര്ശന നടപടി സ്വീകരിക്കുമെന്ന് ആരോഗ്യ വകുപ്പ് മന്ത്രി കെ കെ ശൈലജ. കനിവ് 108 ആംബുലന്സുകളില് ജോലി ചെയ്യുന്നവരില് പൊലീസ് ക്ലിയറന്സ് സര്ട്ടിഫിക്കറ്റ് ഹാജരാക്കാത്തവരോട് ഉടന് ഹാജരാക്കാന് ആംബുലന്സിന്റെ നടത്തിപ്പുകാര്ക്ക് നിര്ദേശം നല്കിയതായി മന്ത്രി അറിയിച്ചു. കൂടാതെ ആരോഗ്യ വകുപ്പും ഇതേപ്പറ്റി അന്വേഷണം നടത്തും. യുവതിക്ക് എല്ലാവിധ ചികിത്സയും സംരക്ഷണവും ഉറപ്പ് വരുത്തുന്നതാണെന്നും മന്ത്രി വ്യക്തമാക്കി.
ആംബുലന്സ് ഡ്രൈവറെ പിരിച്ചുവിട്ടതായി 108 ആംബുലന്സ് നടത്തിപ്പുകാര് അറിയിച്ചിട്ടുണ്ട്. നല്ല പ്രവര്ത്തന പരിചയമുള്ള ആളുകളെയാണ് ആംബുലന്സില് നിയോഗിക്കുന്നതെന്നാണ് കമ്പനി അറിയിച്ചിട്ടുള്ളത്. 2014-2015ല് ആലപ്പുഴ ജില്ലയില് 108 ആംബുലന്സില് ജോലി ചെയ്ത മുന്പരിചയത്തിന്റെ അടിസ്ഥാനത്തിലാണ് ഇദ്ദേഹത്തെ ജോലിയില് പ്രവേശിപ്പിച്ചതെന്നാണ് ജിവികെ അറിയിച്ചിട്ടുള്ളതെന്നും മന്ത്രി വ്യക്തമാക്കി.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam