ലോക്ക്ഡൗൺ: യാത്രയ്ക്കുള്ള പൊലീസ് പാസ്സിന് ഓണ്ലൈന് സംവിധാനം ശനിയാഴ്ച നിലവില് വരും
Synopsis
പൊലീസ് പാസ്സിന് അപേക്ഷിക്കാനുള്ള ഓണ്ലൈന് സംവിധാനം ശനിയാഴ്ച്ച വൈകുന്നേരത്തോടെ നിലവില് വരും. അതിനുശേഷം മേല്പ്പറഞ്ഞ വിഭാഗത്തില്പ്പെട്ടവര് നേരിട്ടോ അവരുടെ തൊഴില്ദാതാക്കള് മുഖേനയോ പാസ്സിന് അപേക്ഷിക്കേണ്ടതാണ്.
തിരുവനന്തപുരം: അവശ്യസര്വ്വീസ് വിഭാഗത്തില്പ്പെട്ടവര്ക്ക് ലോക്ക്ഡൌണ് സമയത്ത് യാത്ര ചെയ്യുന്നതിന് അവരുടെ സ്ഥാപനം നല്കുന്ന തിരിച്ചറിയല് കാര്ഡ് ഉപയോഗിക്കാമെന്ന് പൊലീസ്. ഇവര്ക്ക് പ്രത്യേകം പൊലീസ് പാസ്സിന്റെ ആവശ്യമില്ല. വീട്ടുജോലിക്കാര്ക്കും കൂലിപ്പണിക്കാര്ക്കും തൊഴിലാളികള്ക്കും ശനിയാഴ്ച സ്വയം തയ്യാറാക്കിയ സാക്ഷ്യപത്രം കയ്യില് കരുതി യാത്ര ചെയ്യാം.
പൊലീസ് പാസ്സിന് അപേക്ഷിക്കാനുള്ള ഓണ്ലൈന് സംവിധാനം ശനിയാഴ്ച്ച വൈകുന്നേരത്തോടെ നിലവില് വരും. അതിനുശേഷം മേല്പ്പറഞ്ഞ വിഭാഗത്തില്പ്പെട്ടവര് നേരിട്ടോ അവരുടെ തൊഴില്ദാതാക്കള് മുഖേനയോ പാസ്സിന് അപേക്ഷിക്കേണ്ടതാണ്. അടിയന്തിരമായി പാസ്സ് ആവശ്യമുള്ളവര്ക്ക് സ്റ്റേഷന് ഹൗസ് ഓഫീസര്മാരെ നേരിട്ട് സമീപിച്ച് പാസ്സിന് അപേക്ഷ നല്കാവുന്നതാണ്. ഇരുവശത്തേയ്ക്കും യാത്ര ചെയ്യുന്നതിനുള്ള പാസ്സ് യാത്ര തുടങ്ങുന്ന സ്ഥലത്തുള്ള സ്റ്റേഷന് ഹൗസ് ഓഫീസര് തന്നെ നല്കും.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam